Анҭыҵтәи аилацәажәараҿы арионтә хәашәтәырҭа аҳақьым хада Ҳаџьараҭ Шамба аминистр иарбоу амедусбарҭаҿы аус шауа адизельтә генераторқәа ҩба, урҭ рахьынтә акы шрезервтәу азы адырра ииҭеит.
«Афымцамч арцәара иахҟьаны ҳара апроблемақәа ҳазцәырымҵыроуп, избан акәзар, иҳамоу адизельтә генераторқәа рыҩбагьы ибзианы аус руеит, урҭ иахәҭоу ахылаԥшра рымоуп», - иҳәеит Ҳаџьараҭ Шамба.
Агәабзиарахьчара аминистр аҳақьым хада ари азҵаара дшахылаԥшлашазы анапынҵа ииҭеит.
«Уаанӡа еиԥш уажәгьы агәабзиарахьчара Амнистрра ҳхәышәтәырҭақәа афымцамч ала реиқәыршәара иазку арезервтә хархәагақәа рыла реиқәыршәара ахшыҩзышьҭра анаҭоит. Ҳара иаҳгәалашәоит иҳаҩсыз аӡынразы шаҟа иуадаҩыз аҭагылазаашьа, аха уеизгьы афымцамч дырцәо иалагаргьы апациентцәа уи акала ирныԥшыр ҟалаӡом. Урҭ ианаамҭоу иахәҭоу ахәышәтәра роуртә аҟаҵара хымԥадатәиуп», - инаҵшьны иазгәеиҭеит Едуард Быҭәба.
Ҳаџьараҭ Шамба ҳазҭоу ашықәс алагара инаркны Гәдоуҭатәи ахәышәтәырҭахь идҵаалахьеит 10 нызықьҩык инареиҳаны еиуеиԥшым ачымазарақәа змоу апациентцәа ҳәа аминистр адырра ииҭеит.
«Ареспублика асасцәа – атуристцәа ракәзар, 2023 шықәса инаркны ахәышәтәырҭа адкыларҭа иаҭааит 675-ҩык, ахәыҷтәы ҟәша акәзар – 2350-ҩык. Ахәышәтәырҭа абжьааԥнытәи арежим ала еиԥҟьарада аус ауан», – иазгәеиҭеит аҳақьым хада.
Иахьазы ахәышәтәырҭаҿы аус шауц иауеит аковидтә ҟәша. Ари аҟәшаҿы астационартә хәышәтәра иахысуеит 12-ҩык. Зынӡа ашықәс алагара инаркны COVID-19 ҳәа адиагноз рыманы ахәышәтәырҭа ахь инаган 200-ҩык инарзынаԥшуа апациентцәа. Ҳаџьараҭ Шамба мышқәак раԥхьа 5 тоннак рҟынӡа зкуа арезервуарқәа зегьы аҵәыҵәри ала ирҭәын, апациентцәа зегьы, иаҭаххоны иҟалозар, аҵәыҵәритә цхыраара роур рылшоит, уи азы зегьы рхиоуп ҳәа адырра ҟаиҵеит. Аминистр иара убас Афонҿыцтәи ахәышәтәырҭагьы даҭааит. Едуард Быҭәба ахәышәтәырҭа анапхгара аусуратә зҵаарақәа рыла дрыҿцәажәеит, анаҩс ааигәа еиҭашьақәыргылаз ахәышәтәырҭа адкыларҭа гәеиҭеит.
