Ҳазҭалаз ашықәс ҿыц раҧхьатәи амза инаркны, Аҟәа ақалақь ахадара иаҵанакуа атроллеибустә наплакы аусзуҩцәа рулафахәы иацлеит. Абри атәы иҳәеит анаплакы аиҳабы Аслан Алан.
Иара иажәақәа рыла атроллеибус ныҟәызцо аусзуҩцәа рулафахәы шьақәгылоит сааҭк аусура иақәу ахәҧса ала.

Ааигәа аҳәынҭқарратә бызшәатә политиказы Аҧсны аҳәынҭқарратә еилак аҟны аҧсуа абызшәа аҵаразы акурсқәа ирылгаз асертификатқәа рыҭара мҩаҧысуан. Уи аартуа, аҳәынҭқарратә бызшәатә политиказы Аҧсны аҳәынҭқарратә еилакы аиҳабы Гәында Кәыҵниа-ҧҳа бзиала шәаабеит ҳәа ралҳәеит еизаз зегьы.

«Аччара ауаҩы иԥсҭазаара иацнаҵоит» рҳәоит. Ҵабыргны, агәалаҟазаара бзиа ауаҩытәыҩса игәабзиара шьақәнарӷәӷәоит, ибзазара еизнарҳауеит, аха уи азы иахьеи-уахеи икәша-мыкәша имҩаԥысуа еиуеиԥшым аҭагылазаашьақәа дыдмыргәжәажәозароуп, дызну аамҭа уи алнаршозар?!
Ҳаԥхьаҩцәа шәхацкы, «мышьҭабзиала» ҳәа, агәыӷрақәа адҳәало ҳазҭалаз Ашықәс ҿыц аԥеиԥш лаша шәзаанагааит, гәабзиарала ихарҭәаау анҵыра рацәа ацны.

Ажьырныҳәамза 27-28, 2024 шықәсазы Шәача ақалақь аҿы имҩаԥысит Косики карате азы Урыстәылазегьтәи атурнир «Алада Ахраҿа». Атурнир еиҿкаахеит ақалақьтәи ауаажәларатә еиҿкаара «Шәача ақалақь астильзегьтәи акарате Афедерациа». Уи напхгара аиҭоит Дымчак Иван Алеқсандр-иԥа. Иара убас аусмҩаԥгатә анагӡараҿ ацхыраара ҟанаҵеит Шәача ақалақь абаҩрҵәыратә культуреи аспорти рзы Аилак.

Волгоград ақалақь аҟны ажьырныҳәамза 21 азы имҩаԥысуаз акарате иазку иаарту аицлабрақәа рхы аладырхәит Аԥснытәи аспортсменцәа. Урҭ рахьтә, Аԥсны Агәыӡера аҳабла аҟны еиҿкаау афедерациеи, Очамчыра ақалақь аҟны иаԥҵоу – «Абраскьыл» ҳәа хьӡыс измоу аклуби рыҟнытә 27-ҩык аспортсменцәа.

Аиҵбыратә қәра иаҵанакуа, Аԥснытәи аспортсмен қәыԥш Шорена Гәыниа раԥхьаӡакәны лхы рылалырхәит Урыстәыла Афедералтә округ хада аҟны имҩаԥысыз аҵаақәшьқьыраара иазку аицлабрақәа.

Аҟәа ақалақь аҟны имҩаԥысит есышықәсатәи итрадициатәу ахәыҷтәы шахматтә турнир. Уи рхы аладырхәит Аԥсны ақалақьқәа рыҟнытә 90-ҩык ахәыҷқәа.

Ааигәа Аҟәатәи ацхырагӡатә школ аҟны имҩаҧысит Жәларбжьаратәи аҭҵаарадырра-практикатә семинар. Уи азкын зылшарақәа ҧку ахәыҷқәа аҵаратә процесс рылааӡара атема.

Ажәлар ркультура ашьҭыхразы иаҭахуп аҟазара злоу ауаа хатәрақәа, урҭ шаҟа ирацәаҩу аҟара ҳахьӡ адунеи иахыҵәоит. Убасеиԥш зкультура ҳараку, аҟазара ҷыда злоу ҳакәны адунеи ҳахзырҵәаз ируакуп, ираԥхьагылоуп Аԥснытәи аҳәынҭқарратә зҽаԥсазтәыз ашәаҳәареи аќәашареи рансамбль.

Аԥсны аҳҭнықалақь Аҟәа… Аибашьра ҟалаанӡа ари ақалақь ԥшӡаҿы инхоз аԥсуаа хыԥхьаӡарала имаҷын. Еныкь Ҭодиа Шәлиман-иԥа еицырдыруаз, ипатриотыз, зыхьӡи зыжәлеи еидкыланы ирҳәоз аԥсуа хаҵан.
Аԥсны ицоз аполитикатә еибырххарақәа еснагь дрылахәын.

Ашәҟәыҩҩы, апублицист Шамиль Ибрагим-иҧа Хокерба диит (20.01.1899) Аҧсны, Аҟәатәи аокруг Кәыдрытәи аучастка (иахьатәи Очамчыра араион) Очамчыра ақалақь аҟны – иԥсҭазаара ҿахҵәеит Лагодехи, Қырҭтәыла, 1942 ш.).