Ҳарзыӡырыҩп ишцәажәо ҳамшын, ҳашьхақәа, ҳаҧсадгьыл ахаҭа.  Дара цәажәоит аҧсышәала. Ҳныхақәагь цәажәоит азқьышықәсақәа раҧхьа аҧсуа игәеисыбжь иахылҿиааз иблаҷыц еиҧш дзыхӡыӡаауа абызшәала. Аҧсуа иҧсы зхоу, аҧсуацәа зхоу иарбанызаалак аҧсышәала ицәажәалароуп. Амилаҭ зыҟалоум абызшәа аныҟам. Ҳазхәыцып… Инарҵауланы ҳазхәыцып. Аҧсабара ашьҭыбжьқәа зегьы ахьаарҧшу бызшәоуп аҧсшәа. Амцабз иарӡрыжәыз, ашьхақәа ргәеисыбжь зхыукаауа ҳбызшәа.

Иахьа аҿар лассы-лассы ҳацәхьаҵуеит ҳбызшәала ҳагәҭахәыцрақәа рҳәара. Ус ахәҭам. Ҳара иаҳтәу ҳабдуцәеи урҭ рабацәеи еиқәырханы, кьыс амамкәа иаҳзааргаз ҳбызшәа ҳмырӡып!

Ҳбызшәа аныҟамла милаҭк аҳасабала ҳзыҟалом ҳхаҭақәа. Ҳцәажәалап ҳхатәы бызшәала. Уи иаанагом егьырҭ абызшәақәа ҵатәым ҳәа. Уи ҳара ҳазлааӡоу, ҳара ҳҷыдара зныҧшуа ҳхаҳмыршҭып ҳәоуп иаанаго.

Аҧсны ҩнаҭацыҧхьаӡа иҩныҩлааит аҧсуаа ҳбызшәа хаала иго ашәаҳәабжь, ҳашьха ӡыхь-ҳбызшәа!!!

Сандра Бениаҧҳа,

ААУ афилологиатә факультет ажурналистика аҟәша ахԥатәи акурс астудент