«Ари асцена азҟазацәа рымацара ракәымкәа, аҟазара абри ахкы ҷыда абзиабаҩцәа зегьы ирныҳәоуп.
Иахьа алшара ҳамоуп атеатртә дунеи ԥшӡа иамадоу ауаа ҭабуп ҳәа раҳҳәарц азы. Шәара алагаламҭа ду ҟашәҵоит аԥсуа хәаԥшҩы гьамала, цәаҩабзиала иааӡараҿы, шәара шәырҿиара агәацԥыҳәара унаҭоит, агәҭахәыцрақәа рахь ухы дырхоит, иудырҵоит аԥшӡара абашьа, аҟазара аилкаашьа», – иазгәаҭоуп адныҳәалараҿы.
Иахьа қәҿиарала аус ру­еит ԥшь-театрк – С.Ҷанба ихьӡ зху Аԥ­­суа ҳәынҭқарратә драматә театр, Ф.Искандер ихьӡ зху адрама Аҳәынҭқарратә аурыс театр, аҿар Рҳәынҭқарратә театр, Шә.Ԥачалиа ихьӡ зху акомедиа Тҟәарчалтәи атеатр.
Бадра Гәынба атеатрқәа рколлективқәа ирзеиӷьеишьеит ақәҿиарақәа, арҿиаратә аартрақәа, ахәаԥшыҩцәа рыбзиабара.