Аԥсны аганахьала ашәҟәы инапы аҵаиҩит аҵара аминистр инапынҵақәа назыгӡо Инал Габлиа, Урыстәыла аҟынтәи – «Росдетцентр» адиректор Алеқсандр Кудриашов.
Аиқәшаҳаҭра ахырхарҭа хадақәа иреиуоуп аҵара-ааӡаратә ҟазшьа змоу апроектқәа рынагӡара, Урыстәылеи Аԥсни рҿар рҵарадырреи ркультуреи рыҩаӡара ашьҭыхразы ауаажәларратә мчқәа реидкылара.
«Аиқәшаҳаҭра иазԥхьагәанаҭоит аганқәа рыбжьара аиҩызаратә еизыҟазаашьақәа рышьақәыргылареи аамҭарацәа зҵазкуа, хырҳарала аусеицура аҿиареи», –ҳәа иазгәеиҭеит аҵара аминистр.
«Росдетцентр» адиректор Алеқсандр Кудриашов гәахәарыла иазгәеиҭеит иарбоу аиқәшаҳаҭра анапаҵаҩра аганқәа ирыбжьоу аиҩызаратә, аимабзиаратә еизыҟазаашьақәа азакәантә шьаҭала ишышьақәнарӷәӷәо, иара убас аҵак ду змоу арҵаҩратә хыдҵақәа рынагӡаразы аусеицура иахыҵхырҭаны ишыҟало».
Аредактор хада: Ахра Анқәаб
Аҭел: 26-15-94 Адкыларҭа: 226-15-75
Аелектронтә адрес: apsnygazeta@mail.ru
Агазеҭ шьаҭаркуп 1919 ш. февраль 27 азы.
«Апснымедиа» адиректор хада: Џьопуа Р.Р.
Аҭел: +7 (840) 226-89-89
Аелектронтә адрес: apsnymedia@gmail.com
