Ҳара ҳҿы иҟаӡам Урыстәылатәи абанкоматқәа, убри азы урҭ апроцентқәа рхырхлоит, уи ҳтәанчаҩцәа ирнырыр алшоит.
Ҳаҭыр зқәу Урыстәылатәи атәанчахәы зауа атәанчаҩцәа!
2025 шықәса маи 19 инаркны Урыстәылатәи атәанчахәы рҭарҵоит Урыстәылатәи ахсаалагақәа. Абри инамаданы, атәанчаҩцәа иарбанзаалак Урыстәылатәи абанк иадҵаалароуп абанктә хсаалагақәа риуразы. Атәанчаҩы иара ихьӡала еиқәиршәахьоу Урыстәылатәи абанк ахсаалага имазар, даҽа хсаалагак аҭаххаӡом.
Иаҳа атәанчаҩцәа зыдҵаалауа абанкқәа: Т-Банк (Тинькофф), Урыстәыла Аҵәахырҭатә банк, ВТБ, Альфа-Банк Адлери Шәачеи рҟны.
Акырӡа аҵанакуеит!
Абанктә хсаалага аиуразы атәанчаҩы хаҭала (гәраргагада ахсаалага аиқәыршәареи аиуреи ауам, рыцҳарас иҟалаз) Адлерҟа дцароуп абарҭ адокументқәа иманы:
1.Дахьҭаҩу ахьарбоу Аԥсны атәылауаҩшәҟәы, абри аҟнытә аҳәаа дахыҵроуп апаспорт «иаҵәала».
2.Амиграциатә бӷьыц. Уи рырҭоит аԥсуа паспорт ала аҳәаа данахыҵуа апаспорттә гәаҭарҭаҿы.
3.Амобилтә ҭел. Тинькофф банки Урыстәыла Аҵәахырҭатә банки иаднакылоит аԥсуа мобилтә номерқәа. Убри азы шәара заа Аквафони мамзаргьы А-Мобаили рофис ахь шәнеироуп, аусзуҩцәа шәрыҳәароуп Урыстәылазы ателефон ароуминг шәзышьақәдыргыларц азы. ВТБ-и егьырҭ абанкқәеи рзы иаҭаху Урыстәылатәи амобилтә номерқәа роуп.
2025 шықәса инаркны Урыстәыла иҭаҩымкәа СИМ-хсаалага (аҭел аномер) аахәара ауам.
Т-Банк (Тиньков)

Зегь реиҳа имариоуп Т-Банк (Тиньков) аҟны абанктә хсаалага аиура. Абри азы иаҭахуп: абанк асаит аҟны онлаин-цҳамҭа ахарҭәаара, ахсаалага аиуразы шәара ишәзыманшәалоу амши аҭыԥи ралхра (абри аганахьала ишәзааигәақәоу шәрыҳәа). Ахсаалага аиуразы абанк акуриер заа аҭел дышәзасуеит иарбоу ателефон аномер ала, шәара иашәырбаз аҭыԥаҟны аиԥылара еиҿикаауеит. Иаҳа иманшәалахарц азы ишәабжьаагоит Ԥсоу аҳәааҿы аиԥылара. Убри аан ицәырыжәга шәахьҭаҩу ахьарбоу аԥсуа паспорти амиграциатә хсаалагеи. Абанктә хсаалага рырҭоит хәыда-ԥсада.
Урыстәыла Аҵәахырҭатә банк
– Абанк аҟәша шәаҭаа шәахьҭаҩу ахьарбоу аԥсуа паспорти аҳәаа шәанахыҵуаз ишәырҭаз амиграциатә хсаалагеи шәыманы. Ахсаалага уаҩы иҿеиҵар ауеит асаит алагьы, аха уи аиуразы аҟәша хаҭала шәаҭаароуп.
Абанктә хсаалага шәоур ауеит уи шәанаҭаауа аҽны. Ахсаалага 3 инаркны 5 нызқь мааҭ рҟынӡа иаԥсоуп.
ВТБ
Абанк аҿы идшәырба шәахьҭаҩу ахьарбоу аԥсуа паспорти амиграциатә хсаалагеи, иара убас амобилтә ҭел Урыстәылатәи аномер.
Ахсаалага рырҭоит хәыда-ԥсада.
Акырӡа аҵанакуеит! Урыстәылатәи абанк аҟны ахсаалага аншәырҭо, ақьаад иану абанктә хыԥхьаӡалага аномер шәаҳәа, ихаҭәаау ареквизитқәа зну. Аԥсны шәанааилак, уи нажәгароуп шәраион аҟны Аԥсны иҟоу Урыстәыла Атәанчаҩратә фонд аҟәша ашҟа (атәанчаҩцәа есышықәса ашәҟәы иахьҭарыҩуа акабинет). Аиарҭа иамоу, ичмазаҩцәоу рзы абанктә хсаалагақәа рыҭара атәы зҳәо аинформациа нас иҟалоит. Ҳазну аамҭазы ус еиԥш иҟоу атәанчаҩцәа ахсаалагақәа рзеиқәыршәареи рыҭареи аус адулара иаҿуп. Атәанчаҩцәа аӡәырҩы дара рхала Урыстәылатәи абанк аҟәшеи Ԥсоу аҳәааҿ акуриер иԥылареи ахьырцәыуадаҩу аҟнытә, Аԥсны атранспорттә еилахәырақәа ареис ҷыдақәа еиҿыркаалоит: +7 940 776 06 06.
Амаршруттә такси ахәԥса (Ԥсоу, Адлер, Шәача):
– 1300 мааҭ (Аҟәа, Гәылрыԥшь, Гәдоуҭа, Гагра)
– 1500 мааҭ (Очамчыра, Тҟәарчал, Гал)