Гагра араион ахада актәи ихаҭыԥуаҩ Адамыр Ҵышәба иа­жәа­қәа рыла атәыла анапхгара рхахьы иргеит аҩны ашьаҭа арӷәӷәара, анаҩсан афымцалашара бжьганы ахыбра ҿыц аргылара.Ауаҭахқәа реиҭашьақәыргылара мҩаԥгахоит уаҟа инхоз ауааԥсыра рҳарџь ала. Аихагылаҿы инхоз аҭаацәарақәа гәыԥҩык рыуацәа рҟны аангылара рықәшәеит, даҽа џьоукы уажәгьы ахәшәарала анхарҭақәа амырхуеит. Зықәра акыр инеихьоу абыргцәа царҭа ахьрымам иахырҟьаны урҭ рҭагылазаашьа еиҳа ицәгьоуп. Атәым милаҭ иаҵанакуа абыргцәа рҟнытә аӡәы лыҩны ааныжьны џьаргьы дзымцеит. Уаҟа ақәа шкылсуагьы, ишыхьҭоугьы, излалылшо ала сынхап ҳәа даҿуп. Даҽаӡәы, амшын аҟәараҿы авагон хәҷы ргыланы дынхоит. Ухаҿы заагара цәгьоу аҭагылазаашьақәа ахьыҟоу…
Абылра ашьҭахь аҭыԥантәи аиҳабыра аҩнеихагыла анхацәа рыцԥхьаӡа 50-50 нызқь мааҭ рырҭеит.
Аихагылаҿы инхоз ауааԥсыра гәыӷуеит аиҭашьақәыргыларатә усурақәа иаарласны имҩаԥгахап, даргьы рыҩныҟақәа рышҟа ихынҳәып ҳәа.