Адышшылараҿы иаҳәоит:
Аҧсуа милаҭтә театртә ҟазараз цәыӡ дууп Аҧсны жәлар рартист Шьалуа Гыцба иҧсҭазаара иалҵра. Шьалуа Ҷыф-иҧа иҧсҭазаара зегь азкын аҧсуа сцена амаҵ азура. Ашықәс рацәа рыҩныҵҟа С. Ҷанба ихьӡ зху Аҧсуа драматә театр асценаҿы уи иаҧиҵеит ахәаҧшцәа ргәалашәараҿы инхо ахаҿрақәа. Имаҷым акиносахьақәа рҿы инаигӡаз арольқәа.
Шьалуа Гыцба актиорк, режиссиорк иаҳасабала акыр аџьабаа ибеит иара убас Тҟәарчалатәи акомедиатәи Аҳәынҭқарратә аҿартә ртеатрқәеи рҿы. Иааҧсара рацәоуп аҟыбаҩ злоу аҿар реиҵааӡараҿы.
Аҧсны жәлар рартист, ауаҩы лаша, апатриот Шьалуа Чыф-иҧа Гыцба игәалашәара наунагӡа иаанхоит уи дыздыруаз, иҟазара пату ззақәыз ахәаҧшцәа рҿы.

Аҧсны Аҳәынҭқарра Ахада
инапынҵақәа назыгӡо Б. Гәынба.