Валери Бганба дырзааҭгылеит Аԥсны аҳәынҭқарратә биуџьет аҟнытә ауалафахәы рызшәареи, ҳтәылауаа ироуа афымцалашара аҭагылазаашьеи ртәы. Актәи азҵаара далацәажәо иазгәеиҭеит Аԥсны ауалафахәы рызшәаразы 2 миллиардк инареиҳаны ишаҭаху. Ҳазҭоу ашықәс нҵәаанӡа, Аԥсны атәылуаа фымцалашарада иаанымхарц азы, уахыки-ҽнаки Урыстәылантәи ироуа афымцалашара иахыршәаауеит 15 миллион мааҭ, киловаттк иартәоит – 4 мааҭк.
Аԥсны Аԥыза-министр инапынҵақәа назыгӡо Валери Бганба зегьы раасҭа ихадароу ҳәа иазиԥхьаӡоит Урыстәылантәи ироуа афымцалашара ахә ахшәаареи аҳәынҭқарратә уалафахәы аанымкылакәа Аԥсны атәылауаа рызшәареи.
Убри инамаданы иаанкылахоит анхамҩатә харџьқәа, еиуеиԥшым ахықәкытә программақәа рыхә ахшәаара.
С. Сақаниа
