«Ишыжәдыруа еиԥш, Аԥсны Аԥыза-министр инапынҵақәа назыгӡо изы Аусԥҟа снапы аҵазҩит. Дышәсырдыруеит шәколлега Валери Рамшьыхә-иԥа Бганба. Шәара зегьы Валери Рашьыхә-иԥа ибзианы дышәдыруеит. Иара изныкымкәа атәыла анапхгара дахагылахьеит, имариамыз аамҭақәа раан Жәлар Реизара Аиҳабыс дыҟан, атәыла Ахада инапынҵақәа наигӡон. Сақәгәыӷуеит, ҳаҭыр зқәу сколлегацәа, хра злоу, алҵшәа бзиа аазырԥшуа аусеицура шшәыбжьало. Иахьа атәыла анапхгара аҿаԥхьа акыр зҵазкуа аусқәа шьҭоуп. Урҭ рыӡбаразы иаҭахуп ахшыҩеилаҵара, аԥышәеилаҵара, апрофессионализмра», –инаҵшьны иазгәеиҭеит Бадра Гәынба.
Валери Бганба иколлегацәа аԥсшәа раҳәо, иазгәеиҭеит:
«Сара агәра ганы сыҟоуп, шәара ишеилышәкаауа иахьа ҭакԥхықәраны иҳаду аус аҵакы ахьынӡаҳараку. Ҳтәылаҿы алхрақәа рҟынӡа алхыҩцәа ргәазыҳәара ҭынч иаадырԥшыртә еиԥш, иҭышәынтәалоу аҭагылазаашьа алҳаршароуп. Убри аҟнытә, ихымԥадатәиуп доусы иааникыло аҭыԥ аҿы иусура ҭакԥхықәрала дазнеирц. Ҳара аҳәынҭқарреи абиуџьеттә усхки аенергетикеи, егьырҭ аусхкқәеи рганахьала иҳаду аҭакԥхықәра зегьы анагӡара алҳаршароуп».
Анаҩс аминистрцәеи аус­б­ар­ҭақәеи рнапхгаҩцәа, Аҳәы­н­ҭқарра Ахада инапынҵақәа назыгӡои атәыла Аԥыза-министр инапынҵақәа назыгӡои доусы напхгара зырҭо аусхкқәа рҿы изаамҭанытәиу аҭагылазаашьа азы адыррақәа рырҭеит.