«Ҳаҭыр зқәу ҳажәлар! 30 шықәса ахыҵит Аԥсны Аҳәы­нҭқарра Аконституциа. Аԥсны ис­уверентәу, идемократиатәу, изинтәу ҳәынҭқарраны ирылазҳәаз Аконституциа рыдыркылеит Владислав Григори-иԥа Арӡынба дызхагылаз Аԥсны Иреиҳаӡоу Асовет аилатәараҿы 1994 шықәса ноиабр 26 азы.
Аԥсны жәлар Аконституциа ибзиоуп ҳәа ахырҳәааит 1999 шықәса октиабр 3 азы жәлары зегьы злахәыз ареферендум аҟны. Аԥсны Аконституциа ианырԥшуп аҭоурыхтә традициақәа, акультуратә малқәа, ажәлар хықәкы хадас ишрымоу аҭынчра, ауаҩы изинқәеи ихақәиҭрақәеи рышьақәырӷәӷәара, аизыӡырҩра.
Ҳара агәадура ҳамоуп ихьԥшым аҳәынҭқарра­ҿы ҳа­хь­ынхо-ҳахьынҵуазы, ԥхьа­ҟатәи ҳԥеиԥш алзыршо аҭы­нчреи аҭышәынтәалареи зыԥсоу аадыруеит. Абри аҽны иаҳгәалаҳаршәоит ҳҳәынҭқарра ахьы­ԥшымреи ҳажәлар рзинқәеи ирзықәԥоз. Ҳарҭ ҳахьтә дарбанзалак даҵагылоуп Аԥсадгьыл аԥеиԥш азы аҭакԥхықәра, ҳара иаҳуалԥшьоуп Аԥсны Аҳәынҭқарра Аконституциа ақәныҟәара. Ҳтәыла иазеиӷьасшьоит ашәҭыкакаҷра, аҿиара», – иазгәаҭоуп адныҳәалараҿы.