Атурнир рхы аладырхәит Аԥсны ақалақьқәеи араионқәеи рҟынтә еиԥш Ареспаублика Адыгьеиа, Шәача, Адлер, Краснодар ақалақьқәа рҟынтәигьы. Аспортсменцәа рхыԥхьаӡара 100-ҩык инарзынаԥшуан.
Аицлабрақәа мҩаԥысуан 2007-2008, 2009-2010, 2011-2012 шықәсқәа рзы ииз ақәыԥшцәа рыбжьара. Аспорсменцәа рықәреи рыкапантә ҩаӡарақәеи рҟны актәи аҭыԥқәа ааныркылеит 18-ҩык; аҩбатәи аҭыԥқәа – 15-ҩык; ахԥатәи аҭыԥқәа – 24- ҩык. Аԥсны Амилаҭтә Аолимпиатә еилакы ахада Валери Аршба аспортсменцәа ирзеиӷьеишьеит ақәҿиарақәеи, аихьӡара дуқәеи.
Рашь Хәытаба ихьӡ зху зхы иақәиҭу аиқәԥаразы раԥхьатәи Жәларбжьаратәи атурнир мҩаԥган Аԥсны жәлар Рџьынџьтәылатә еибашьраан игаз аиааира мызқәак рышьҭахь. Ари аусмҩаԥгатә мҩаԥысуеит есышықәса. Уи Жәларбжьаратәи аҩаӡара шьҭнаххьеит.
Ас еиԥш иҟоу аусмҩаԥгатәқәа ари аспорт хкы азы иреиӷьу аспорсменцәа-ҿарацәа ралкаареи анаҩс урҭ реизҳареи рзы имҩақәҵагоуп.
Саида Ҳаразиа
