Злахьынҵа инапы ианызҵаз ижәлар днарылагыланы, аибашьраҿы Аиааира диргеит, иара убриалагьы ахьыҧшымра алиршеит.
Иахьа уажәраанӡа, ишырҳәо аиҧш, Анцәа иџьшьаны, ҳажәлар адунеи аӡеибафара иаламӡыкәан, еибга-изҩыда иаауеит.
Аҧсуа жәлар ажәытәӡатәи аамҭақәа инадыркны, ршьамдгьыл Аҧсны ахақәиҭреи ахьыҧшымреи азаагаразы, аҧхьаҟа изызҳауа абиҧарақәа рзеиқәырхаразы еснагь ақәҧара ишаҿыз аҭоурых шаҳаҭуп. Абри ақәҧара урҭ аӡрыжәит, абиҧарак аҟнытә даҽа абиҧарак ахь ииасуан. Уажәтәи ҳ-Џьынџьтәылатә еибашьраҿы иаҳгаз Аиааира даҽакы иузеиҧшыншьалом, даҽакала иуҳәозар, ҳажәлар рҭоурых аҿы иргахьоу аиааирақәа ириааироуп.

Наунагӡа иҟазааит шьала иаагоу Аиааира!