Аҳәынҭқарра Ахада Аслан Бжьаниа ихьӡала Абесалом Кәарҷиа Ахеилак алахәылацәа атәыла аԥсҭазаара иадҳәалоу хра злоу азҵаарақәа рыла аобиективра аарԥшреи иаартны рексперттә гәаанагарақәа рҳәареи рабжьигеит.

«Аҵарауаа – арҭ иҷыдоу уаауп, избан акәзар, анаука, ҳәара аҭахума, аҽадцалара, ахамеигӡара аҭахуп.  Аҵарауаа ҿарацәа Рхеилак аԥҵара ахықәкы хаданы иҟан атәыла анапхгареи аҵарауаа ҿарацәа атәылазы ихәарҭоу апланқәа шьақәдыргыларц», – иазгәеиҭеит иара.

Аиԥылара иалахәыз актуалра злоу проблемақәак ирзааҭгылеит, урҭ рхыԥхьаӡараҿы иҟоуп аекономикатә ҿиара, аҵарадырра, акультура, адемографиа уҳәа ирыдҳәалоу азҵаарақәа. Иара убас, Аԥсны аекономикаҿы арегионқәа реиԥшымзаара атәгьы азгәаҭан.

Абесалом Кәарҷиа аиҭакрақәа ҵакы атәы дазааҭгыло, Аԥсны анҭыҵынтәи имцырку аҵакдуқәа адгалара, ареспубликазы изеиԥшразаалак аиҭакрақәа ашәарҭара рыҵоуп ҳәа агәаанагарақәа ауаажәларра рыларҵәара мҩаԥысуеит,   убри иахҟьаны еиҳа аҵакы змоу апроектқәагьы аганахь иаанхоит. Ас еиԥш иҟоу атенденциақәа Аԥсны азы ашәарҭара рыҵоуп.   Абесалом Кәарҷиеи амассатә информациа ахархәагақәа рхаҭарнакцәеи «атәылазы зегь реиҳа ихадоу, зегь реиҳа зҵакы дуу малны иҟоу – ауаа роуп, убри инамаданы ҳара ҳхықәкы хаданы иҟоуп урҭ рылшарамч арҿиаразы иманшәалоу аҭагылазаашьақәа раԥҵара» ҳәа агәаанагара аҿы еиқәшаҳаҭхеит. Абри азы адырра ҟанаҵоит Аҳәынҭқарра Ахада иҟны иҟоу Аинформациатә Центр.