Асахьаркыратә рҿиара ажанрқәа иреиуоу автортә ашәа аӡыргара ауп хықәкы хадас иамоу.
Афестиваль иалагаанӡа минуҭктәи аҿымҭрала иргәаладыршәеит, изныкымкәа уи зхы алазырхәхьаз ааигәа зыԥсҭазаара иалҵыз Генади Дбари, Виачеслав Храмыхи. Дара ргәаларшәара иазкхеит сынтәатәи афестивальгьы.
Алахәылацәа дарбанызаалак ирымоуп рхатә занааҭ, аха аамҭа азырыԥшаауеит ашәаҳәарагьы идырӷьарц рыхәрақәа, ирхәыцуеит рхатә ашәақәа, мамзаргьы инаргыӡоит еиуеиԥшым ашәаԥҵаҩцәа инарыгӡахьоугьы. Афестиваль алахәылацәа алшара роуеит араҟа доусы рырҿиаратә лшарақәа раарԥшра, уи жәаҳәарада, еиуеиԥшым ажәларқәа реизааигәахара, реилибакаара алнаршоит.
Насыԥуп автортә ашәа хыԥхьаӡара рацәала азыӡырыҩцәа ахьаднаԥхьало. Ас еиԥш иҟоу афестивальқәа – Аԥсны ауааԥсыреи асасцәеи рзыҳәан, рыԥсшьараамҭа ахгаразы зеиӷьыҟам усмҩаԥгатәны иҟоуп.
Илана Ԥачлиа
