Х-хәҭаклатәи аиндаҭлараҟны анаҩстәи аихшьалатә лҵшәақәа ааирԥшит: аихатәы гьежь хьанҭақәа наҟ-ааҟ изхоу аихатәы «уӷәа» иҟәаҟәа иқәҵаны атәара-агыларала ишьҭихит – 195 кг., адгьыл аҟны ибӷа дықәианы уи «ауӷәа» ашьҭыхраҟны – 110 кг. инаӡеит, ихьанҭоу иаханы агарала (становая тяга) – 200 кг. имч ақәхеит уадаҩрада. Инеизакны аԥеиԥш лаша ззыԥшу «аидарашьҭыхҩы» қәыԥш 505 кг ашьҭыхра илшеит. Иазыҟаҵаҩ – Анна Пардисиани (ақ.Москва).
Убасгьы ари атурнир аҟны аҭыԥҳацәа рыбжьара лықәреи лыкапантә категориеи иаҵанакуаз рыбжьара актәи аҭыԥ аанылкылеит аԥсуа ԥҳәызба Алина Қьышьмариа.