Аконкурс иалахәын Урыстәыла арегионқәа рҟынтәи еиуеиҧшым ансамбльқәа. Уи еиҿкаан ақәгыларақәа 70 рыла. Ажиури рхыҧхьаӡараҿ иҟан Урыстәыла зҽаҧсазтәыз арҵаҩцәа, апедагогцәа-ахореографцәа, атеатри абалети рсолистцәа, аестрадатә балеттә студиақәа рҟынтә.
Асахьаркыратә напхгаҩы Тимур Туиба иажәақәа рыла, ансамбль иалоу ахәыҷқәа рықәгыларала аҩаӡара ҳаракны аадырҧшит. Аҵыхәтәантәи ашықәсқәа ирылагӡаны ас еиҧш аҩаӡара ҳаракны рҟазара аадмырҧшыцызт. Уи зегьы зыбзоуроу иара идагьы ахәыҷқәа рҭаацәа адгылара ахьарҭаз ауп.
Ансамбль «Абжьыуаа» аконкурс аҟны инарыгӡеит х-кәашарак: ашьхарыуаа рыкәашара, аҭыҧҳацәа рыкәашара, ачара кәашара. Иазгәаҭатәуп рыкәашаратә маҭәақәа ҿыцны ишӡахыз.

Стелла Сақаниа