Аибашьра мыжда, аибашьра!.. Ауаҩы дқәыџьмазтәуа, агәы ԥшқа цәымсазтәуа, ашьеи алаӷырӡи урзыршьцыло аибашьра. Ус иҟан ахаангьы, ус иҟалозар акәхап ҳаԥхьаҟагьы, ауаа рхы иаиааины, аимак-аиҿак ебашьрада амҩақәҵашьа рҽашьдырцылаанӡа.

Сентиабр 25 рзы Аԥсны иаҭааит Урыстәылатәи Аурыс ПЕН-Центр ахада ихаҭыԥуаҩ, Фазиль Искандер ихьӡ зху Жәларбжьаратәи алитературатә премиа аиҿкааратә хеилак ахантәаҩы Борис Евсеев, ашәҟәыҩҩы, Москва инхо ҳџьынџьуаҩ, Аурыс ПЕН-Центр иалоу, Аԥсны ашәҟәыҩҩцәа Рассоциациа алахәыла Владимир Делба, иара убас акинооператорцәа ҩыџьа.

Аԥшалас маӡажәак сзеиҭанаҳәарц аҭахушәа ԥшьаала иасуеит… Иҟалон уи аҵлабыӷьқәа зегьы еимданы, быӷьқәакгьы ҿыршәшәаны анаҩс аҽарҭынчыр, аха мап… Аԥшалас асуеит еиқәтәарада, аамҭа иахьанӡа иазаамгаз ҭоурыхк сзаанартырц агәы иҭоушәа. Шаҟа аҽырҭынчны, аԥсҭазаара агәбылра еизнарҳауазеи ари аԥшалас.

«Абас рҳәошәа слымҳа иҭаҩуеит Аԥсны зхы ақәызҵаз ақәрахьымӡақәа санрызхәыцуа. Ихьанҭоуп, ихьаауп аԥсҭазаара агьама абаха иахьымӡаз, аӡыхь ҿамҩа-заҵәыкгьы изаҿымхәаз ҳаҷкәынцәа-ҳаибашьҩцәа рыӡбахә аҳәара. Убарҭ дыруаӡәкуп Аԥсны Афырхаҵа Роберт Иуана-иԥа Габуниа.

Ажәҩан аҵаԥшра зцәыуадаҩыз, зхы шьҭымхӡакәа ицәажәоз аԥҳәыс лгәаҵа иаҵаҵәахыз ахьаа лнубаалон. Аҭаацәара ԥшӡа, зхы иақәгәырӷьо зыҩны иҩназ, зыхшара зааӡоз, аибашьра иахылҵыз арыцҳара имцабызха даблуа илыцран…Дәырԥшь ақыҭан, Ԥкьын Виссарион игәараҭаҿы 1972 шықәсазы аԥсуа чара ԥшӡа руит.