Амш аусхәаҧштә аҟны иҟан аенергетикатә, асоциал-економикатә рҿиара азҵаарақәа. Аилацәажәара иалахәыз алацәажәеит «Аҧсны иахьаҵанакуа Урыстәылатәи аиуристтә хаҿқәа рганахьала аинвестициатә проектқәа рынагӡаразы Аҧсны Аҳәынҭқарра Аиҳабыреи Урыстәылатәи Афедерациа Аиҳабыреи рбжьара Аиқәшаҳаҭра» апроект. Аҳәынҭқарра Ахада Аиҳабыра иалоу рнапы ианиҵеит Урыстәылатәи аган аҟны абри адокумент апроект инҭкааны аус адыруларц.

Аиҧылара иалахәын Аҧсны Ахада ихаҭыҧуаҩ Бадра Гәынба, Аҧыза-министр Алеқсандр Анқәаб, Ахада Иусбарҭа анапхгаҩы ихаҭыҧуаҩ Зураб Қаџьаиа, Аҧыза-министр ихаҭыҧуаҩ, аекономика аминистр Кристина Озган.