Сонер Гогәуа диит 1971 шықәса август 19 азы Ҭырқәтәылан, аԥсуа мҳаџьырцәа рхылҵшьрақәа рҭаацәараҿы.

1990 шықәсазы дҭалеит Аԥснытәи аҳәынҭуниверситет афилологиатә факультет аԥсуа абызшәеи алитературеи рыҟәша.

Аԥсны жәлар Рџьынџьтәылатә еибашьра аан Нхыҵ- Кавказынтәи хатәгәаԥхарала иааз аибашьцәа ргәыԥ далан.

1994 шықәсазы Гагра ақалақь ахадара аиҳабы ихаҭыԥуаҩыс дҟаҵан, 1995 шықәсазы – Гагра, «Башаран-коллеџь» адиректор ицхырааҩыс, 2000 инаркны 2005 шықәсазынӡа афирма «Елиф» адиректор хадас дыҟан.

2005 шықәса инаркны Ҭырқәтәылатәи Ареспубликаҿы Аԥсны Ахәаахәҭра-ааглыхратә палата ахаҭарнакс аус иуан.

2007 шықәсазы Аԥсны Жәлар Реизара аԥшьбатәи ааԥхьара адепутатс далхын, аџьынџьуаа ҟны аимадарақәа рзы аилак ха­дара азиуан. Уи иара убас Аԥсны Жәлар Реизареи Ареспублика Венесуела Жәлар Реизареи рыб­жьара аиҩызареи аусеицуреи рзы Апарламентбжьаратә еила­кы дахантәаҩын.

2012 шықәсазы Ахәаахәҭра- ааглыхратә палата аиҳабы ихаҭыԥуаҩыс дҟаҵан.

2016 шықәсазы «Жәларбжьаратәи Афонд «Аԥсны» апре­зидентс далхын.

Ԥықәсларада идыруан аурыс, аԥсуа, аҭырқә, англыз бызшәақәа.