Уи лыдҵа налыгӡеит 10.57 секунд рыла, ҳәа Аԥсныпресс акорреспондент диҿцәажәо, иҳәеит аҵараиурҭа арратә ус арҵаҩы Звиад Шенгелиа. «Актәи арекорд шьақәыргылан жәабранмза, 2023 шықәсазы имҩаԥысыз аицлабрақәа рҿы. Лара усҟан актәи аҭыԥ аанылкылеит. Лыдҵа анагӡаразы 13.03 секунд лцәагеит. Аҽазыҟаҵарақәа рҿы, уи арбагагьы акыр аҵак ду амоуп, Вероника уаанӡа ишьақәлыргылахьаз арекорд даиааит. Лхыдҵа 10.57 секунд рыла иналыгӡеит», – ҳәа инаҵшьны иазгәеиҭеит аррарҵаҩы. Анапхгаҩы иажәақәа рыла, Вероника илымоу аспорттә зыҟаҵареи а и а а и р а г а р а а ҭ а х х а р е и рыла далукаартә дыҟоуп. Уи изныкымкәа аспорттә усмҩаԥгатәқәа лхы рылалырхәхьеит. 2022 шықәсазы Аҟәа ақалақь аҿы имҩаԥгаз автомат аимыхреи аибыҭареи рзы аконкурс аҿы Гран-при аиуит. Звиад Шенгелиа иара убас ишазгәеиҭз ала, абҵарамза, 2022 шықәса рзы ари аҭыԥҳа Аҟәа ақалақь еизгоу акоманда аилазаара далалеит. Араҟа 60-ҩык аҭыԥҳацәа рҟынтәи иалххеит хҩык. Урҭ рхыԥхьаӡараҿы дыҟан Вероника Ҳагбагьы. Ԥшьымш имҩаԥысуа аицлабрақәа реихшьаалақәа рыла, Вероника хә-медалк лоуит – ахьтәы медалқәа ҩба, араӡны медалқәа хԥа.
