Уи иалахәхоит 12 командак: «Аҟәа», «ААУ,» «Тҟәарчал», «Очамчыра», «Аҳабла Ҿыц», «Ареспубликатә ахәыҷтәы-қәыԥштә спорттә школ», «Гал», «Гагра», «Ауарашршырҭа зауад» «Самырзакан», «Апрогресс», «Арацәаҵхҩы», ҳәа иаанацҳауеит аҿари аспорти русқәа рзы аҳәынҭ­қарратә еилакы аофициалтә саит. Астолтә ԥкьаҭмпыл азы Афедерациа апрезидент, аҿари аспорти русқәа рзы Аҳәынҭқарратә еилакы ахантәаҩы ихаҭыԥуаҩ Беслан Қарчаа иажәақәа рыла, аицлабрақәа ф-турк рыла имҩаԥ­гахоит. «Агәыӷра ҳамоуп ахәмаррақәа ҵыԥх аасҭа еиҳа аинтерес аҵаны имҩа­ԥысып ҳәа» – абас иҳәеит ачемпионат аартра аан Беслан Қарчаа. Ачемпионат аӡбаҩ хада – Руслан Сариан.