Аныҳәатә концерт иаҭааит Аахыҵ-Уаԥстәылатәи Ареспублика Ахада Алан Гаглоев, Ахада Иусбарҭа анапхгаҩы Алан Џьиоев, Урыстәылатәи Афедерациа аҟны иҟоу ацҳаражәҳәаҩ Мараҭ Кулахметов, Аԥсны Аахыҵ-Уаԥстәыла ацҳаражәҳәаҩ Алан Елбакиев, акультура аминистр Рада Ӡагоева, Аԥсны акультура аминистр Даур Ақаҩба напхгара зиҭо аделегациа.

Аконцерттә программа аатит аԥсуа естрада артистцәа – Хьыбла Мықәба, Анзор Адлеиба, Џьимми Шәманиа, Авто Конџьариа, Артур Лакрба рықәгыларақәа рыла. Аԥсны аҳәынҭқарратә ашәаҳәареи акәашареи рансамбль акәашаҩцәа ауаԥс кәашара «Хонга» нарыгӡеит. Аҳәынҭқарратә ансамбль «Симд» ашәа «Риҵа» аԥсышәалеи ауаԥс бызшәалеи инарыгӡеит.

Аҳәынҭқарра Ахада Алан Гаглоев, Аԥсны Аҳәынҭқарреи Аахыҵ-Уаԥстәылеи жәытә-натә аахыс ҭоурыхла еимадоуп ҳәа иазгәеиҭеит. Ҳара ҳаицны – мышки шықәсыки рзы – ҳастратегиатә ҩыза – Урыстәыла Дуӡӡа аганахьала ҳҳәынҭқаррақәа рхьыԥшымра азхаҵара ҳауит. Аҭоурых аҭакԥхықәра ҳаднаҵоит иахьеи уаҵәи, есымшеи ҳаицызарц азы», – ҳәа инаҵшьны иазгәеиҭеит Аахыҵ-Уаԥстәылатәи Ареспублика Ахада Аахыҵ-Уаԥстәылатәи Ареспублика акультура аминистр Рада Ӡагоева, лаҵарамза 31 рзы Аахыҵ-Уаԥстәыла аҭак аҳасабала Аԥсны иаҭаауеит ҳәа адырра ҟалҵеит.