Ареспубликатә ҳәынҭқарратә усҳәарҭа «Аҧснымедиа»
Аилатәара иалахәын Апарламент Аиҳабы Лаша Ашәба, адепутатцәа, Апарламент аҟны иҟоу Ахада ихаҭарнак Анри Барцыц, аҳәынҭқарратә мазара анапхгараҭареи ахатәтәреи рзы Аԥсны Аҳәынҭқарратә еилакы ахантәаҩы ихаҭыԥуаҩ Михаил Ладариа, ауаажәларра, амассатә информациа ахархәагақәа рхаҭарнакцәа.
Аилатәараҟны ажәахә ҟаиҵеит Аилак иалоу Кан Кәарҷиа. Уи дрылацәажәеит Урыстәылатәи Афедерациа Аиҳабыра Аԥсны Аҳәынҭқарра Аиҳабыра аҳәынҭқарратә експорттә кредит аҭаразы Аԥсны Аҳәынҭқарра Аиҳабыреи Урыстәылатәи Афедерациа Аиҳабыреи 2010 ш. ԥхынҷкәынмза 24 азы анапы зҵаҩыз Аиқәшаҳаҭра азҵаарақәа ирыдҳәалоу аматериалқәеи аналитикатә лкаақәеи, Аҟәа адгьылҵакыраҟны иҟоу ԥасатәи арратә гәабзиарачаԥарҭа қьырала аҭареи Аԥсны Аҳәынҭқарра Аиҳабыреи Урыстәылатәи Афедерациа Аиҳабыреи рыбжьара Аԥсны Аҳәынҭқарраҟны иҟоу аобиект (аҳәынҭдача «Пицунда») ахатәтәразы Урыстәылатәи Афедерациа аҭареи уи ахархәаразы аԥҟареи ирызку Аиқәшаҳаҭра азакәанԥҵара ақәнагареи ртема. Иҟаз ацәажәара рҽаладырхәит аилатәарахь иааԥхьаз, ишьҭыхыз азҵаарақәа рзы ргәаанагарақәа рҳәеит, адепутатцәа рызҵаарақәа рҭак ҟарҵеит.
