Ашьауӷатә ус арҵысразы ақәҵара инақәыршәаны, Аԥсны атәылауаҩ Гамисониа Руслан Фамиль-иԥа 2022 шықәса ииун азы «Аԥсны аҳәынҭқарратә ҳәаазы», «Аԥсныҟа аареи ацареи реиҿкаашьазы» Аԥсны азакәанқәа еилаганы, заа ихәыцны, изакәанымкәа аушьҭырҭа ҭыԥ ахьыҟамыз, адокументқәеи изыхәҭоу азини имаӡамкәа, аусҭҵаара иазышьақәмыргылаз ҭыԥк аҟны аҳәынҭқарратә ҳәаа дахыҵит, Қырҭтәылаҟа диасит.
2022 шықәса август азы Гамисониа Аԥсны атәылауаҩ Буава Даур Тариел-иԥа ихьӡала иҭаҩу асоциалтә ҳа «Tik-Tok» адаҟьаҿы ианиҵоз авидеосиужетқәа рыла иааирԥшуан Аԥсны атерриториатә акзаареи аламкьысреи рԥыргаразы, Аԥсны Қырҭтәыла алаларазы маӡала ааԥхьара зныԥшуаз аидеиақәа.
Ҳазну аамҭазы Аҟәа апрокуратура иара убас Гамисониа далахәны амассатә информациа ахархәагақәа рҟны егьырҭ акьыԥхьымҭақәа ргәаҭаразы аусқәа мҩаԥнагоит.
Руслан Гамисониа дахьаарԥшу авидеоматериалқәа алингвистикатә експертизахь ишьҭуп. Уи алҵшәақәа рыла аусҭҵааҩцәа аӡбамҭа рыдыркылоит.
Гамисониа Р.Ф.уаанӡа Аԥсны Иреиҳаӡоу аӡбарҭа иус аӡбахьан иӡбны ауаҩшьразы, иара убас Гәылрыԥшьтәи араионтә усӡбарҭа – Урыстәылатәи Афедерациа атәылауаа ҩыџьа рцәаԥҽразы
