Ареспубликатә ҳәынҭқарратә усҳәарҭа «Аҧснымедиа»
Уаҟа иазгәаҭоуп:
Ҳаҭыр зқәу Владимир Владимир-иԥа!
Аԥсны анапхгареи ажәлари рыхьӡала, хаҭала сара сыхьӡала ишәыдысныҳәалоит акырӡа зҵазкуа аҳәынҭқарратә ныҳәа – Урыстәылатәи Афедерациа Аконституциа Амш.
Урыстәылатәи Афедерациа Аконституциа – аҳәынҭқарра амал хада – атәылауаҩ, уи изин хадақәа, иуалԥшьақәа зныԥшуа атәыла азакәан хада ауп.
Урыстәыла Аконституциа аҭоурых беиа амоуп, уи иахҭнагахьеит аиҭакра ҵаулақәа, ианыԥшуан аҳәынҭқарра аҿиара иарбанзаалак аепоха аҷыдарақәа, аҽрықәнаршәон атәылеи ажәлари рҭахрақәа, рыгәҭакқәа.
Агәра ганы сыҟоуп, аиҩызареи аҳаҭыреиқәҵареи рыла ишьаҭарку Аԥсни Урыстәылеи реизыҟазаашьақәа ҳаԥхьаҟагьы ишыҿиауа, ишыӷәӷәахауа ҳажәларқәа ԥхьаҟатәи рԥеиԥш аизҳазыӷьаразы.
Шәареи иаҳҩызоу Урыстәыла ажәлари ишәзеиӷьасшьоит аҭынчра, аманшәалара, ашәҭыкакаҷра!
Иара убас Аԥсны Жәлар Реизара Аиҳабы Лаша Ашәба Урыстәылатәи Афедерациа Аконституциа Амш рыдиныҳәалеит Урыстәылатәи Афедерациа Афедералтә Еизара апалатақәа рнапхгаҩцәа Валентина Матвиенкои Виачеслав Володини.
Аԥсны адәныҟатәи аусқәа Рминистрра Урыстәылатәи Афедерациа адәныҟатәи аусқәа Рминистрра ашҟа адныҳәаларатә шәҟәы ашьҭит Урыстәылатәи Афедерациа Аконституциа амшныҳәа адныҳәаларазы.
