Аҧсны Ахада Иусҧҟала шықәсырацәа инеиҧынкыланы аҭҵаарадырра-практикатә усуреи ззанааҭтә дырра ҳараку аспециалистцәа разыҟаҵареи рзы «Аҧсны Аҳәынҭқарра зҽаҧсазтәыз аҭҵаарадырра аусзуҩы» ҳәа аҳаҭыртә хьӡы ихҵоуп аҭоурыхтә ҭҵаарадыррақәа ркандидат, Аҧснытәи аҳәынҭқарратә университет аҭоурыхтә факультет адекан, аҭоурыхи, археологиеи, аетнологиеи ркафедра адоцент Габелиа Алик Николаи-иҧа.
Аҧсны Аҳәынҭқарра Ахада Аслан Бжьаниа Аҧснытәи аҳәынҭқарратә университет арҵаҩцәа «Ахьӡ-Аҧша» аорден III аҩаӡара ранашьара азы Аусҧҟақәа инапы рыҵаиҩит. Аҭҵаарадырратә усураҿы илагалеи, аҭҵаарадырра-практикатә усура активла аҽалархәреи, иара убас ззанааҭтә дырра аҩаӡара ҳараку аспециалистцәа разыҟаҵареи рҟны рааҧсареи рзы «Ахьӡ-Аҧша» аорден III аҩаӡара ранашьоуп: афилологиатә ҭҵаарадыррақәа рдоктор, Аҧснытәи аҳәынҭқарратә университет апрофессор Ҭарба Иван Дорофеи-иҧа, аҭоурыхтә ҭҵаарадыррақәа рдоктор, Аҧснытәи аҳәынҭуниверситет апрофессор Бигәаа Валери Леуард-иҧа, аҟазараҭҵааҩ, Аҧснытәи аҳәынҭуниверситет адоцент Сақаниа Сурам Михаил-иҧа.
Аҧсны Аҳәынҭқарра Ахада Аслан Бжьаниа Иусҧҟала «Аҧсны Аҳәынҭқарра Иреиҳау ашкол зҽаҧсазтәыз аусзуҩы» ҳәа аҳаҭыртә хьӡы рыхҵоуп Аҧснытәи аҳәынҭқарратә университет аусзуҩцәа: Абыхәба Андреи Мусҭафа-иҧа – адоцент; Аиба Ельза Алеқсандр-иҧҳа – абиологиатә ҭҵаарадыррақәа ркандидат, адоцент; Аҳәба Лариса Оҭар-иҧҳа – абиологиатә ҭҵаарадыррақәа ркандидат адоцент; Ануа Ринетта Гьаргь-иҧҳа - апедагогикатә ҭҵаарадыррақәа ркандидат, адоцент; Бебиа Сергеи Михаил-иҧа – абиологиатә ҭҵаарадыррақәа рдоктор, апрофессор; Бҕажәба Олег Хәыхәыт-иҧа – аҭоурыхтә ҭҵаарадыррақәа рдоктор, апрофессор; Аҩардан Гәдиса Ирадион-иҧа – аҭоурыхтә ҭҵаарадыррақәа ркандидат, адоцент; Гәымба Раиса Максим-иҧҳа – алагарҭатә ҵара апедагогикеи аметодикеи ркафедра арҵаҩы еиҳабы; Гәыблиа Раиса Константин-иҧҳа – афилологиатә ҭҵаарадыррақәа ркандидат, ҳаҭыр зқәу апрофессор; Абелиа Лаша Сергеи-иҧа – адоцент; Гамсаниа Емма Алеқсеи-иҧҳа – афилософиатә ҭҵаарадыррақәа ркандидат, адоцент; Гәымба Хәыта Мсураҭ-иҧа – аекономикатә ҭҵаарадыррақәа рдоктор, апрофессор; Дбар Роман Саид-иҧа - абиологиатә ҭҵаарадыррақәа ркандидат, ҳаҭыр зқәу апрофессор; Ӡиӡариа Белла Иури-иҧҳа – азиндырратә ҭҵаарадыррақәа ркандидат, адоцент; Жваниа Саида Иури-иҧҳа – апедагогикатә ҭҵаарадыррақәа ркандидат, адоцент; Заде Лолита Иури-иҧҳа – аекономикатә ҭҵаарадыррақәа ркандидат, адоцент; Кьышьмариа Иамзе Шамил-иҧҳа – афизика-математикатә ҭҵаарадыррақәа ркандидат, адоцент; Конџьариа Зураб Ҭенгиз-иҧа - атехниктә ҭҵаарадыррақәа ркандидат, адоцент; Кимкетова Маиа Џьанхоҭ-иҧҳа – атехникатә ҭҵаарадыррақәа ркандидат, адоцент; Камлиа Расим Аркади-иҧа – атехникатә ҭҵаарадыррақәа ркандидат, адоцент; Кәыбраа Беслан Сергеи-иҧа – адоцент; Касланӡиа Алеқсеи Махаз-иҧа – апедагогикатә ҭҵаарадыррақәа рдоктор, апрофессор; Кәыҵниа Мзиана Баграт-иҧҳа – афилософиатә ҭҵаарадыррақәа ркандидат, адоцент; Амаршьан Рамгар Баграт-иҧа – адоцент; Пустовалов Сергеи Борис-иҧа – апедагогикатә ҭҵаарадыррақәа ркандидат, адоцент; Смыр Сергеи Макар-иҧа – азиндырратә ҭҵаарадыррақәа ркандидат, адоцент; Харчлаа Лиана Иасон-иҧҳа – аҭоурыхтә ҭҵаарадыррақәа ркандидат, адоцент; Чхамалиа Руслан Григори-иҧа – адоцент.
