Уаҟа еизеит 10 тәылак рҟынтәи аурыс бызшәа арҵаҩцәа. Аԥсны ахьӡала уи лхы алалырхәит Очамчыра араион Гәыԥтәи абжьаратә школ аурыс бызшәеи алитературеи рырҵаҩы Ирма Коӷониа. Ари аусмҩаԥгатә лалахәра алыршахеит Урыстәыла аусацуразы Аԥсны иҟоу Ахаҭарнакра абзоурала.
Акурсқәа рыпрограмма иазԥхьагәанаҭоит Нижни Новгород иалкаау аҵараиурҭақәа хԥа рҿы: Минин ихьӡ зху Новосибирсктәи аҳәынҭқарратә арҵаҩратә университет, Лобачевски ихьӡ зху Нижегородтәи аҳәынҭқарратә университет, Добролиубов ихьӡ зху Алингвистикатә университет рҿы акурсқәа рымҩаԥгара. Иара убас, апрограмма иалагалоуп еиуеиԥшым аҟазара-классқәеи аекскурсиақәеи.
Арҵаҩцәа рзанааҭтә дырра ашьҭыхразы акурсқәа реиҿкаара рхахьы иргеит Урыстәыла аусацура Ахаҭарнакреи Нижегородтәи аобласт анапхгареи.
