2022 шықәсазы иаԥҵан Урыстәылазегьтәи аҿартә амилаҭтә интсрументқәа роркестр «ВСЕОНИ». Ари «аоркестр-академиа» иалаху зегьы жәлар ринструментқәа рҿы ихәмаруеит, уаҟа иуаҳар алшоит Аԥснытәи аҿарпын, манголиатәи морин хуур, аурыс балалаикеи амырзаҟани, башкириатәи кураи кыл-кубызи, карелиатәи кантеле, белорусстәи цимбала, ауаԥстәи амырзаҟан уҳәа  иҵегь Амилаҭтә музыкатә рҳәагақәа.

Аоркестр иалахәуп 85-ҩык, урҭ амузыкатә ҵараиурҭақәа роушьҭымҭацәеи рыстудентцәеи роуп.  Апрокет Санкт-Петербургтәи аҳәынҭқарратә биуџьеттә акультура аусбарҭа «Петербург-концерт» ааԥхьарала Аԥснытәи амузыкант Асхад Воуба Урыстәылаҟа ддәықәлеит. апроект алахәхаразы. Асхад Воуба адгылара ииҭеит О. Хәынцариа ихьӡ зху аԥсуа жәлар ринструментқәа Рорекстр асахьаркыратә напхгаҩы Денис Арухаа. Хкы рацәала инструмент рҳәаҩуп Асхад Воуба, иара Аҳәынҭқарратә культуратә ҵараиурҭа доушьҭымҭоуп. Аҵара иҵоит Нхыҵкавказтәи аҳәынҭқарратә институт аҟны. Апроект аҿы дыхәмаруеит аҿарпын.

Абҵарамза 4 рзы Москва ақалақь П.И. Чаиковски ихьӡ зху аконцерттә зал ду аҿы амузыкантцәа ахәаԥшцәа рҟазара ддырбеит анаҩс абҵарамза 9 рзы Санкт-Петербургктәи Академиатә филармониа азал ду аҿы Агала-концерт мҩаԥган.

Илана Ԥачлиа