Аредактор хада: Ахра Анқәаб
Аҭел: 26-15-94 Адкыларҭа: 226-15-75
Аелектронтә адрес: apsnygazeta@mail.ru
Агазеҭ шьаҭаркуп 1919 ш. февраль 27 азы.
«Апснымедиа» адиректор хада: Џьопуа Р.Р.
Аҭел: +7 (840) 226-89-89
Аелектронтә адрес: apsnymedia@gmail.com
Ишәыдысныҳәалоит шәзанааҭтә ныҳәа - Амассатә информациа ахархәагақәа рымш.
Машәырны иҟамлаӡеит Амассатә информациа ахархәагақәа рымш азгәаҭара иазку арыцхә. 1919 шықәса жәабранмза 27 рзы аԥсышәала иҭыҵит аԥсуа газеҭ «Аԥсны» актәи аномер, абри инаркны ихацыркхеит амилаҭтә журналистика аҿиара.
Амассатә информациа ахархәагақәа аҵак ду рымоуп ҳҳәынҭқарреи ҳауаажәларреи рыԥсҭазаараҟны. Шәара иаашәырԥшуа аобиективтә знеишьеи, аҭакԥхықәреи, аиашареи ирыбзоураны ауаажәларра рыҩныҵҟа изыхәҭоу аизыҟазаашьақәа шьақәгылоит, ироуа аинформациа агәрагара, имҩаԥысуа апроцессқәа реилкаара алнаршоит.
Аԥснытәи Амассатә информации ахархәагақәа акыршықәса раахыс атәылаҟны акрызҵазкуа ахҭысқәа аадырԥшуеит, Аԥсны апозициеи уи аҭоурыхи адунеи иаларҵәо.
Аԥсны Аџьынџьтәылатә еибашьра ашықәсқәа раан ажурналистцәа рзанааҭтә уал нарыгӡон ламысла, имҩаԥысуаз ахҭысқәа, аибашьра аамҭазтәи аԥышәарақәа, ажәлар ахақәиҭреи аԥеиԥши рыхьчаразы ирымаз агәазыҳәара адунеи аларҵәаразы ирылшоз ҟарҵон. Аибашьра ашьҭахьгьы Амассатә информациа ахархәагақәа хықәкы хаданы ирымоуп аҳәынҭқарратә ԥсҭазаара иадҳәалоу ахҭысқәа, Аԥсны аҿиара, уи апозициа уҳәа ҭакԥхықәрала, обиективла раарԥшра.
Ҳаҭыр зқәу амассатә информациа ахархәагақәа аусзуҩцәа!
Шәзанааҭтә ныҳәа амш аҽны ишәзеиӷьасшьар сҭахуп агәабзиара, иҭышәынтәалоу аусура, азҿлымҳара змоу атемақәа, аихьӡарақәа. Шәнапы злаку аус ҳаҭырла иазыҟоу аԥхьаҩцәа, азыӡырҩцәа, ахәаԥшҩцәа рыгәрагара шәыцзааит есқьынгьы».