Урыстәылатәи Афедерациа акультура Аминистрреи Аԥсны акино Афонди рыцхыраарала Аԥсны иаартын акинозалқәа ԥшьба. Руак Гәдоуҭа ақалақь аҿы иҟоуп. Афильм арбаразы аиқәыршәагақәа хәыда-ԥсада Акультура аҩны ахархәаразы иаҭоуп, ҳәа адырра ҟаиҵеит уи анапхгаҩы Руслан Хәупориа.

Иазгәеиҭеит егьырҭ ақалақьқәа рҟны атехника ҿыц аус адызуло азанааҭдырҩцәа рыԥшаара шымариамыз, аха Гәдоуҭа уи аҩыза ауадаҩра шцәырымҵыз. Акультура аҩны аусзуҩцәа иахәҭоу азанааҭтә дырра ҳарак рымоуп.

«Аусзуҩцәа зегьы ари ахырхарҭа иазҿлымҳауп. Абжьи алашареи аус рыдулашьа рдыруеит. Ҳәарада, урҭ руалафахәы иацҵахоит. Ҳара ҳзы игәахәара дууп абас еиԥш аусзуҩцәа ахьҳамоу», — ҳәа иҳәеит Хьрыԥс Хәупориа.

Акинозал мчыбжьык ахь хәымш аус ауеит. Мышкы иалагӡаны 2-3 фильм дырбахоит. Акультура аҩны анапхгаҩы иажәақәа рыла, аҭыԥантәи ауааԥсыра ақалақь аҿы акино ахәаԥшра иашьцылахьеит.

«Ахәаԥшцәа рырманшәаларазы асоциалтә ҳақәа ҳамоуп, уаҟа ианаҳҵоит афильмқәа реихшанҵа. Уи анаҩс ашколқәа рҿы аӡыргарақәа ҟаҳҵоит. Ахәыҷқәа амультфильмқәа рыхәаԥшра бзиа ирбоит, ирыцны иааиуа рҭаацәагьы агәахәара рнаҭоит», — ҳәа азгәеиҭеит Хьрыԥс Хәупориа.

Уажәы Акультура аҩны аусзуҩцәа аԥсшәахь еиҭагоу афильмқәа дрыбаразы иаздырхиоит.