«2025 шықәса жьҭаарамза 1 инаркны амч аиуит "Аԥсны Аҳәынҭқарра еиҭамҵуа амазара ашәҟәҭагаларазы" азакәан, уи аҳәаақәа ирҭагӡаны амуниципалтәи аҳәынҭқарратәи мазара раҳасабырбеи рҭаҩреи мҩаԥысуеит. 2021-2025 шықәсқәа рзы  акадастыртә палата имҩаԥнагоит еиҭамҵуа амазара ашәҟәҭагалара» - азгәеиҭеит  Сангәлиа.

Иҳәеит 30 нызқь инарзынаԥшуа еиҭамҵуа амал ашәҟәы иҭаргалараны ишыҟоу. Уахь иаҵанакуеит ахатәы ҩнқәа, аҩнеихагыла дуқәа, анаплакқәа.

Аусурақәа зегьы мҩаԥгахоит Аҳәынҭқарра акадастыртә палата ахарџь ала.

Аҳәынҭқарра акадастыртә палата аусура иазԥхьагәанаҭоит еиуеиԥшым атәылауааи аиҿкаарақәеи ркатегориақәа рзы азинҷыда, ҳәа Аԥсныпресс ахь адырра ҟаиҵеит  Ҭемыр Сангәлиа.

Ашәҟәҭагаларатә усбарҭа амаҵзуразы ашәахтәқәа рҟынтә рхы иақәиҭуп:

• Асовет Еидгыла афырхацәа, Аԥсны Афырхацәа, Ахьӡ-аԥша аорден занашьоу;

• 1941-1955 шықәсқәа рзтәи Аџьынџьтәылатә Еибашьра Дуӡӡа иалахәыз,   Аџьынџьтәылатә Еибашьра Дуӡӡа аинвалидцәа, I-тәи агәыԥ аинвалидцәа;

• аԥсуа жәлар рмилаҭ-хақәиҭратә қәԥара I агәыԥ иаҵанакуа аинвалидцәа;

•  1992-1993 шықәсқәа рзтәи Аԥсны Аџьынџьтәылатә еибашьра I агәыԥ иаҵанакуа аинвалидцәа, Аԥсны аҵакыраҿы имҩаԥысуаз  аибашьратә еидыслара I агәыԥ аинвалидцәа.

Иара убас, ашәҟәҭагаларатә усбарҭа амаҵзуразы ашәахтәқәа рҟынтә рхы иақәиҭуп:

• аинвалидцәа руаажәларратә еиҿкаарақәа, аиҿкаарақәеи ахеидкылақәеи, ашкол-интернатқәа, арратә хәҭақәа, Аԥсны Арбџьармчқәеи Аԥсны аҩныҵҟатәи аусқәа Рминистрреи рнаплакықәа, реиҿкаарақәа, русбарҭақәа, аҳәынҭқарра агәабзиарахьчара аусбарҭақәа;

• Аԥсны Аҳәынҭқарра атәанчаҩцәа;

• I агәыԥ иаҵанакуа аинвалидцәа;

• ҩыџьа, ма инареиҳаны ахшара змоу, зхала ахәыҷқәа зааӡо аҭаацәа;

• Хҩык, ма инареиҳаны ахшара змоу ахәыҷы рацәа змоу аҭаацәа;

•Иааиԥмырҟьаӡакәа ақыҭақәа рҿы инхо Аԥсны атәылауаа, иарбоу аҳаблақәеи аиланхарҭатә ҭыԥқәеи рҿы игылоу дара ирыҵанакуа адгьылқәа  анхарҭа ҭыԥқәа.

Акадастыртә Палата иҟанаҵо амаҵзуразы ашәахтә аҟынтәи 50% рхы иақәиҭуп:

• Аԥсны Аџьынџьтәылатәи еибашьра II агәыԥ иаҵанакуа аинвалидцәа;

• Аԥсны Аҳәынҭқарра адгьылҵакыраҿи, егьырҭ аҳәынҭқаррақәа рыдгьылҵакырақәа рҿи аибашьрақәа раан ааха зауз II-тәи агәыԥ аинвалидцәа;

• аԥсуа жәлар рмилаҭ-хақәиҭратә қәԥара II агәыԥ иаҵанакуа аинвалидцәа;

• Аџьынџьтәылатә еибашьра Дуӡӡаҿи (1941-1955 шш.)   Аԥсны жәлар Рџьынџьтәылатә еибашьреи раан (1992 1993 шш.) иҭахаз, мамзаргьы хабарда ибжьаӡыз рҭаацәа;

– 18 шықәса зхымҵыц ахәыҷқәа,  иара убас, иреиҳау аҵараиурҭақәа рҿы аҵара зҵо, иалгаанӡа,

–ахәыҷы ааӡара дызгаз аҭаацәа,

– андуи абдуи, урҭ закәанла рныҟәгара зуалу ахаҿқәа ыҟамзар;

• Чернобыльтәи АЕС аҿы иҟалаз амашәыр иахҟьаны згәабзиара ааха ауз ауаа.

2027 шықәса ажьырныҳәамза 1-нӡа ашәахтә аҟынтәи 100%  рхы иақәиҭуп:

• аҳәынҭқарратә мчреи аҳәынҭқарратә напхгареи русбарҭақәеи, егьырҭ аҳәынҭқарратә усбарҭақәеи.

Акадастыртә Палата амаҵзурақәа  рынагӡаразы наҟ-ааҟтәи ашәахтә.

Акадастыртә усурақәа рынагӡареи адгьылҵакыра акадастыртә план аиқәыршәареи 1000 м2 – 16 мааҭ. 1 м2.

Акадастыртә усурақәа рынагӡареи адгьылҵакыра акадастыртә план аиқәыршәареи 1001 м2 инаркны 2000 м2 – 8 мааҭ. 1 м2.

Акадастыртә усурақәа рынагӡареи адгьылҵакыра акадастыртә план аиқәыршәареи 2001 м2 инаркны 5000 м2 – 4 мааҭ. 1 м2.

Акадастыртә усурақәа рынагӡареи адгьылҵакыра акадастыртә план аиқәыршәареи 5001 м2 – 2 мааҭ. 1 м2.

Ахыбрақәа, аргылрақәа, зыргылара нагӡам аобиектқәа, мамзаргьы урҭ хаз-хазы рыплан аҟаҵареи акадастыртә усурақәа рынагӡареи (еихагылацыԥхьаӡа аргыларақәа рыпан), – 50 мааҭ. 1 м2.

Еиҭамҵуа амал акадастыр аҟынтәи алҩаара: 

• еиҭамҵуа амал ашәҟәынҵа шыҟаҵоу, ашәҟәҭагалара шымҩаԥгоу атәы зҳәо аусшәҟәқәа хәыда-ԥсада рыҭара;

• аҩынтә раан аобиеқт зтәыз (иҭынхаз) ауаҩы  ашәҟәы иҭараан  200 мааҭ ахшәаара.

• еиҭамҵуа амал ашәҟәҭагалара шьаҭас измоу аусшәҟәқәа, ма азиншьақәыргыларатә усшәҟәқәа рыхҩыла – жәа-мааҭк. (бӷьыцк ахҩылаазы).