Аредактор хада: Ахра Анқәаб
Аҭел: 26-15-94 Адкыларҭа: 226-15-75
Аелектронтә адрес: apsnygazeta@mail.ru
Агазеҭ шьаҭаркуп 1919 ш. февраль 27 азы.
«Апснымедиа» адиректор хада: Џьопуа Р.Р.
Аҭел: +7 (840) 226-89-89
Аелектронтә адрес: apsnymedia@gmail.com
Игәҩароу аҳаирбаӷәаза иахьаҵанакуа аус зуа аргыларатә еилазаара анџьнырс дыҟан ҳәа адырра ҟанаҵоит Аԥсны Аҳәынҭқарратә Шәарҭадара Амаҵзура апресс-маҵзура.
Имҩаԥгаз аоператив-ԥшааратә усмҩаԥгатәқәа раан ишьақәыргылан, иаанкылаз Украина атәылахьчара аминистрра аԥшыхәразы аусбарҭа хада дрымадан. Иҟоу адыррақәа рыла, игәҩароу ахаҵа аҳәаанырцәтәи амаҵзура ҷыда аус ацура дақәшаҳаҭхеит аҳаирбаӷәаза аҵакыраҿы адиверсиа-террористтә акт аиҿкааразы.
Иаанкылоу иазԥхьагәаҭан иман ҳазҭоу ашықәс рашәарамзазы атеррористтә акт амҩаԥгара. Иҟаз агәҭакы ала, уи ирацәаны аԥсҭбара зцыз рыцҳараны иҟалар акәын. Имаз амаҵуратә ҭагылазаашьа ихы иархәаны, аҳаирбаӷәаза анџьныртә планқәа рҟынӡа анаӡара илшеит, иара урҭ, арҭҟәацгақәа рыҵаҵара ахьалшо аҭыԥқәа арбаны украинатәи аԥшыхәрахь ииаигеит.
Иаанкылаз ахаҵа Аԥсны Аҳәынҭқарратә шәарҭадара Амаҵзура ахыбрахь днаган, араҟа уи иҿы иқәшаҳаҭхеит.
Аԥсны Аҳәынҭқарратә Шәарҭадара Амаҵзура Аусеилыргаратә ҟәшаҿы Аԥсны Аҳәынҭқарра Ашьаустә Закәанеидкыла ахәҭаҷ 274 (ашпионаж) ала ашьаусеилыргара хацдыркит. Аусеилыргара мҩаԥысуеит, ахҭыс аҭагылазаашьақәа зегьы ҭырҵаауеит.