Аредактор хада: Ахра Анқәаб
Аҭел: 26-15-94 Адкыларҭа: 226-15-75
Аелектронтә адрес: apsnygazeta@mail.ru

«Апснымедиа» адиректор хада: Џьопуа Р.Р.
Аҭел: +7 (840) 226-89-89
Аелектронтә адрес: apsnymedia@gmail.com

94 шықәса дшырҭагылаз иԥсҭазаара далҵит Аԥсны жәлар рышәҟәыҩҩы, ауаажәларратә усзуҩ, Асовет Еидгыла ашәҟәыҩҩцәа Реидгыла, Аԥсни Урыстәылеи ашәҟәыҩҩцәа Реидгылақәа рлахәыла, Адыгатәи (Черқестәи) аҭҵаарадыррақәа Ракадемиа ҳаҭыр зқәу академик, Аԥсны аҭҵадыррақәа Ракадемиа ҳаҭыр зқәу адоктор, Д.И.Гәлиа ихьӡ зху Аҳәынҭқарратә премиа алауреат, «Ахьӡ-Аԥша» аорден I аҩаӡара занашьаз Алықьса Ноча-иԥа Гогәуа.
Алықьса Гогәуа иналукааша ашәҟәыҩҩы, ауаажәларратә усзуҩы ихьӡ Аԥсны анҭыҵгьы еицырдыруан. Ашәҟәыҩҩы есымша аԥсуа жәлар зыргәымҵуаз, ргәы иҵхоз ауаажәларра-политикатә проблемақәа рыӡбара дазхиан, ижәлар рыгәҭа дгылан, амилаҭ-хақәиҭратә қәԥара активла ихы алаирхәан.
Алықьса Гогәуа аԥсуа жәлар рмилаҭ-хақәиҭратә қәԥараҿы акыр зҵазкуа ароль назыгӡаз Аԥсны Жәлар Рфорум «Аидгылара» раԥхьатәи ахантәаҩыс дыҟан.
1988-1991 шш. рзы Асовет Еидгыла жәлар рдепутатс дыҟан. Д. И. Гәлиа ихьӡ зху Аҳәынҭқарратә премиа ранашьаразы акомиссиа дахантәаҩын. Алықьса Гогәуа – авторс дрымоуп хыԥхьаӡара рацәала ажәабжьқәа, ароманқәа. Алықьса Гогәуа ироман-рапсодиа «Асду» акәзар, аԥсуа литератураҿы иналукааша аԥҵамҭахеит, Асовет Еидгыла иалаз ажәларқәа жәпакы рбызшәақәа рахь еиҭаргеит, иара убас европатәи абызшәақәеи аиапон бызшәеи рахь.