Иазгәаҭатәуп, афестиваль жәамз инарзынаԥшуа рышҽазыҟарҵоз. Афестиваль мҩаԥгахоит Аԥснытәи аетнографиатә парк аҟны. Уаҟа еиҿкаахоит 20 инарзынаԥшуа еиуеиҧшым ахырхарҭақәа рыла аусмҩаԥгатәқәа.
Ари афестиваль аиҿкааҩ Светлана Габуниа лажәақәа рыла, афестиваль - "Амандарин" - ари асоциал - культуратә проектуп. Хырхарҭас иамоуп аԥсуа культуреи атрадициеи аҿиара, Аԥсны атуризм ашьҭыхра.
Ари афестиваль аҳәаақәа ирҭагӡаны С. Ҷанба ихьӡ зху аԥсуа драматә театр аԥхьа иргылан амандаринала еиқәыршәаз аԥсаӡ.
Уи аҩаӡара 5 метрак инаӡон. Ари аԥсаӡ аргылара тоннаки бжаки амандарин цеит.
Иара убас ари аԥсаӡ аус адырулон хыԥхьаӡара рацәала аспециалистцәа. Архитектуратә план шьақәиргылеит Инал Шьынқәба,аметалтә конструкциа еизигеит ажьыҩ Баҭал Ҷанба. Мандаринала арԥшӡара рыбзоуроуп Саида Бобуеи уи лкомандеи. Арлашара аҭакԥхықәра лхахьы илгеит Кама Қәҭелиа.