Ареспубликатә ҳәынҭқарратә усҳәарҭа «Аҧснымедиа»
Гагратәи араионтә хәышәтәырҭаҟны имҩаԥыргоит аиҭашьақәыргыларатә усурақәа, урҭ 90 шықәса ҵуеит имҩаԥгамижьҭеи.
Раԥхьаӡа урҭ аусурақәа ирылагеит 2021 шықәсазы аҿкы чымазара ианаамҭаз. Усҟан, аиҭашьақәыргыларатә усурақәа рнаҩсангьы, ирыҭан ацхыраара 50-ҩык ачымазаҩцәа ахьааныркылашаз аҭыԥ, аха иазгәаҭатәуп дара рхыԥхьаӡара акырӡа ишеиҳаз. Араионтә хәышәтәырҭа аиҳабы Индира Арсалиа иазгәалҭеит акырӡа ишамариашаз аусура уи аамҭаз.
Иахьатәи аамҭазы аиҭашьақәыргыларатә усқәа хыркәшоуп аҟәшақәа ԥшьба рҟны. Аҳақьымцәа ирыдҵаало ачымзаҩцәа ацхыраара рыҭаразы, иара убас иахьышьҭоу ауадақәа рҟны аҭагылазаашьа бзиақәа аԥҵоуп. Уажәы аиҭашьақәыргыларатә усурақәа мҩаԥысуеит ахирургиатә ҟәшаҿы. Иара ҩ-хәҭакны ишан: актәи аҟәшаҿы имҩаԥысуеит аиҭашьақәыргыларатә усурақәа, егьи ахәҭаҿы аҳақьымцәа русура иацырҵоит. Араионтә хәышәтәырҭа аиҳабы иазгәалҭеит Гагра араион анапхгара еснагь адгылара бзиа шрырҭо.
