Ареспубликатә ҳәынҭқарратә усҳәарҭа «Аҧснымедиа»
Ари амш ауха аӡы аԥшьара мҩаԥысуеит. Аӡы рыԥшьоит ажьырныҳәа 18 аухеи ажьырныҳәа 19 аҽынгьы.
Анцәа дхазҵо ауахәамақәа рҿы еизоит иԥшьоу аӡы ргарц азы. Ари аӡы ацәеижьи адоуҳаи арыцқьоит, изҩыдоуп ҳәа иԥхьаӡоуп. Иара убас ари аӡы ԥхасҭахаӡом ҳәа агәаанагара ыҟоуп. Иара шьыжьхьа уфаанӡа, улахь-уџьымшь ӡатәны, Анцәа иахь уныҳәа-ныԥхьаны ҿамҩак-ҿамҩак ужәлар ауп. Адин ныҟәызго ақьырсианцәа ачгара иҵоуп, убри аҟнытәи дара абжьааԥны ари ахәылԥаз «амла иакуа ахәылԥаз» ҳәа иашьҭоуп. Мацара иуфар иҟало хыхь зыӡбахә ҳҳәаз ачгьахьатә чыс ауп. Ас еиԥш акрыфараҿы аҽынкылара ажәытәан Аҽӡаахра аламҭалазы ауаа зынӡа афатә адкылара мап ахьацәыркуаз ауп изыдҳәалоу.
Аԥсны ауахәамақәа зегьы рҿы аныҳәатә анцәаимҵаныҳәарақәа рымҩаԥгара мҩаԥысит. Анцәа дзыхшаз Ацқьа Мариа Лгәырӷьаҿҳәаша Аҟәатәи акафедралтә уахәамаҿы ахәылбыҽхатәи анцәаимҵаныҳәара, Анцәахаҵаратә Литургиа, мҩаԥган иара убас аҵыхәтәаны аӡы рыԥшьеит.
