Лера Адлеиба НТВ аҟны имҩаԥысуа аицлабра "Ты супер! 10 лет спустя" афинал аҿы ахԥатәи аҭыԥ аанылкылеит.
Лара иналыгӡеит ашәа "California Dreamin".
Ашоу ажиури — Игор Крутои, Диана Арбенина, Елка, Александр Панаиотов — Лера лвокалтә баҩхатәра адагьы, асценаҿы иаалрыԥшуа ахагәрагара азгәарҭеит.
"Ты супер!" аиубилеитә сезон аҿы аиааира лгеит Тыватәи ашәаҳәаҩ Аи-Кыс Кыргыс.
Афиналистцәа асценахь инеиаанӡа, Урыстәыла ахада Апресс-маӡаныҟәгаҩ Дмитри Песков Владимир Путин ихьзала адныҳәаларатә шәҟәы даԥхьеит. Уаҟа аҳәынҭқарра ахада аҿар арҿиараҿы мацара акәымкәа, аԥсҭазаараҿгьы аманшәалареи аихьӡара ҿыцқәеи рзеиӷьишьеит.
Валериа Адлеиба — "Ты супер!" актәи асезон аҿы аиааира лгеит.
