Ажурналисттә усура инанагӡо ароль дуӡӡоуп адемократиатә уаажәларра ашьақәгылараҟны. Шәара шәусура уадаҩуп, аҭакԥхықәрагьы ацуп, аҵакгьы дууп. Шәара ауаажәларра аинформациа роуртә иҟашәҵоит, ргәаанагара ашьақәыргылара шәацхраауеит, аполитикатә, ауаажәларратә процессқәа анырра рышәҭоит. Шәара ишәыбзоураны ҳажәлар ҳтәылаҟнеиԥш, адунеи аҿы иҟоу ахҭысқәа ртәы раҳауеит. Аҳәынҭқарратә мчхара аусбарҭақәеи АИХ-и лыҵшәа аманы русура аинформациатә политика шьаҭас иамоуп, избан акәзар, шәаргьы ҳаргьы уснагӡатәны ҳҿаԥхьа иқәгылоу ҳауаажәлар реидкылара, доуҳала реизҳара алыршара, апатриотизм рылааӡара, иахьатәи аамҭа иақәшәо аинформациатә наӡааӡара аԥҵара. Шәара шәусура ауаажәларреи аҳәынҭқарреи рзы хра змоу акакәны иҟоуп есқьынгьы.
Ишәыдысныҳәалоит иахьатәи Амш. Ишәзеиӷьасшьоит ақәҿиарақәа, аихьӡара ҿыцқәа, агәабзиара, анасыԥ.
Аԥсны Аҳәынҭқарра Ахада А.Бжьаниа
Иара убас амассатә информациа ахархәагақәа русзуҩцәа Рымш рыдырныҳәалеит Аԥсны Жәлар Реизара Аиҳабы Лаша Ашәба, Аԥсны Аԥыза-министр Алеқсандр Анқәаб.
