Ари харҭәаашьа змам цәыӡуп. Владимир Владимир-иҧа жәларбжьаратәи аҩаӡара аҟынӡа инагаз профессионалын, патриотҵәҟьан. Уи ихьчон Ареспублика Беларус аинтересқәа, дырҿагылан аҕацәа иҟарҵоз ақәыххрақәа, ақәымчрақәа. Инарҵауланы ҳрыдашшылоит Владимир Макеи иҭаацәа, иҩызцәа», – иазгәаҭоуп ашәҟәы аҟны.
Владимир Макеи иҧсҭазаара дахьалҵыз инамаданы адашшылара ҟаиҵеит Аҧсны адәныҟатәи аусқәа рминистр Инал Арӡынбагьы.
«Аҧсны адәныҟатәи аусқәа Рминистрра ахьӡала, хаҭала сара сыхьӡала инарҵауланы срыдашшылоит Беларус адәныҟатәи аусқәа рминистр Владимир Макеи иаалырҟьаны иҧсҭазаара дахьалҵыз азы иҭаацәа, игәакьацәа», – иазгәаҭоуп ашәҟәы аҟны.
