Аԥсуа бызшәа зегь раасҭа иԥшӡоу, зегь раасҭа ицәгьоу, зегь раасҭа ижәытәӡатәиу ҳәа иԥхьаӡоуп. Сара аҵара ахьысҵо Б. У. Шьынқәба ихьӡ зху Аҟәатәи актәи абжьаратә школ аҟны аашәи хҩык аҵаҩцәа ҭоуп, урҭ рахьынтә фҩы заҵәык аԥсуааӡам.
Сара сышкол адиректор Нона Борис-иԥҳа Делба илысҭеит абас еиԥш иҟоу азҵаара: «Иаанагозеи шәара шәзы ахатәы бызшәа?»
Нона Борис-иԥҳа сызҵаара аҭак ҟалҵеит абас:
«Ахатәы бызшәа иаҵанакуа даара ирацәоуп. Уи ауаҩы ициуа, ишьа иалало, аҵас, ақьабз, ахымҩаԥгашьа аазырԥшуа акоуп. Избан акәзар уи ианыԥшуеит иара, ижәлар рҭоурых , аиҳаби аиҵби рыпатуеиқәҵашьа. Абри зегьы узҭо ахатәы бызшәоуп. Ахатәы бызшәа азыҳәан имаҷымкәа аҵарауаа ирҳәахьеит ргәаанагара, рыхшыҩзышьҭра ҵаулақәа. Ахатәы бызшәа ада амилаҭгьы зыҟалаӡом. Амилаҭ ахаҿы злааԥшуа ахатәы базшәала ауп. Абызшәа зегь раԥхьаӡа иуланаҵоит уԥсадгьыл абзиабара даҽакы иаламҩашьо. Уи акәхап еснагь рыԥсадгьыл ахьчара афырхацәа рыхгьы зақәырҵо. Аԥсадгьыли абызшәеи еиҟәыҭхашьа рымаӡам, урҭ акоуп, еилоуп...». Абас аҭак сылҭеит сышкол адиректор.
Сара аҵара ахьысҵо ажәеизатәи акласс аҿы ҩажәаҩык аҵаҩцәа ҳаҟоуп. Ҳара ҳазегь ҳаԥсуаауп , ибзианы ҳбызшәа ҳдыруеит. Аха ҳазегь ҳҟ­ынтә ҩыџьа аԥсуа бызшәа ԥсыҽны ирдыруеит. Ҳара ҳадагьы сынтәа иалго ҩ-кл­асс ыҟоуп. Урҭ аклассқәа рҟынгьы зегьы аԥсуаауп. Аха рыцҳарас иҟалаз раӷьырак урысшәала ауп ишеицәажәо.
Уажәтәи аамҭазы имаҷуп аҿар аԥсуа бызшәа аҷҷаҳәа изҳәо, уи даараӡа ихәарҭам.
Аԥсуа бызшәа аиқәырхаразы ҳара иарала ҳцәажәароуп. Ауаҩы дыхьыҟазаалакгьы иҳәалароуп ихатәы бызшәа. Баша ирҳәом «Абызшәоуп – ажәлар рыԥсы», – ҳәа.
Рабиа Амҷԥҳа,
Б. У. Шьынқәба ихьӡ зху
Аҟәатәи актәи абжьаратә школ
а-11-тәи акласс аҵаҩы.