Еицырдыруа ари аҩымҭа аԥсуа сценаҿы раԥхьаӡа акәны иқәдыргылоит.

Аспектакль ықәлыргылеит Арежиссиор-ақәыргылаҩы, Урыстәыла зҽаԥсазтәыз артистка, атеатр Маҷ «Ленком» актриса нага Алла Иуганова.

Арежиссиор иазгәалҭоит, ари аспектакль «Ленком» аҟны ишықәлыргылахьоугьы, Аҟәатәи атеатр азы аоригиналтә версиа шаԥҵахо:
«Сара зегьы даҽакала иҟасҵарц сыӡбеит, ара иҟоуп даҽа хәаԥшцәак, даҽа артистцәак, даҽа ҭагылазаашьақәак».
Асиужет шьаҭас иамоуп ауаҩы ихаҭареи азеиԥш системеи реиҿагылара, ахақәиҭра аԥшаара, ауаҩытәыҩса иаҳаҭыр аиқәырхара. Афырхаҵа хада, абунтҟаҵаҩ Рендл Макмерфи амедиаҳәшьа Ретчед дылҿагылоит. Иуганова лажәақәа рыла, аспектакль иҭнаҵаауеит «анормеи» «ахагареи» рыбжьара иумбо аҳәаақәа, ахәаԥшҩы игәаланаршәоит аиааира залыршахом ҳәа угәы иаанагозаргьы адунеи аԥсахразы аҽазышәара аҵак ду шамоу.

Ақәыргыламҭа сценак аҿы еиднакылеит Аурыс драматә театр актиорцәеи М.С. Шьепкина ихьӡ зху иреиҳау атеатралтә ҵараиурҭа аушьҭымҭацәа рабиԥара ҿыци. Аспектакль иалахәуп Иракли Делба, Руслан Иванов, Марина Сыҷынаа, Аманда Чепиа, Аԥсны зҽаԥсазтәыз артист Кирилл Шишкин уб. егь.

Аспектакль асахьаркыратә еиҿкаашьа аус адырулон: атеатр асахьаҭыхыҩ хада Витали Қацәбеи, акостиумқәа рсахьаҭыхҩы Наташа Шпановеи, алашара ашьақәыргылаҩ Илларион Пасаниеи.

Абилеҭқәа аашәхәар шәылшоит асаит RUSDRAM.ORG аҿы, ма атеатр акассеи «А-Мобаил»аофисқәеи рҿы.