«Ари баша еиԥыларам, аконструктивтә усеицурахь шьаҿоуп. Ҳара аԥышәа ҳасаб азуны абжьгарақәа рынагӡара ҳҽазаҳкуеит. Ауаажәларратә хеилакқәа рабжьгарақәа ауаажәларреи амчреи рыбжьара аинырра арӷәӷәараҿы акрызҵазкуа ароль нарыгӡоит»,- лҳәеит Гәыли Кьычба.

Асасцәа абжьгарақәа ҟарҵеит, алҵшәа бзиа аазырԥшыз ақәҿиара змоу апроектқәа рыӡбахә атәы рҳәеит.

Урыстәылатәи аделегациа аилазаараҿы иҟоуп – агроааглыхратә комплекси ақыҭатә ҵакырадгьылқәеи рырҿиаразы Урыстәылатәи Афедерациа Ауаажәларратә палата акомиссиа ахантәаҩы, Ареспублика Даӷьсҭан Ауаажәларратә палата алахәыла Аигун Магомедов; адемографиеи, аҭаацәареи, ахәыҷқәеи, итрадициатәу аҭаацәаратә беиарақәеи рыхьчаразы Урыстәылатәи Афедерациа Ауаажәларратә палата акомиссиа ахантәаҩы «Аҭҵаарадырра-уаажәларратә ҭҵаара аинститут» адиректор хада Сергеи Рыбальченко; асуверенитет азҵаарақәеи, апатриоттә проектқәеи, аветеранцәа ацхыраара рыҭареи рзы Урыстәылатәи Афедерациа Ауаажәларратә палата акомиссиа ахантәаҩы актәи ихаҭыԥуаҩ, ажурналист-жәларбжьаратәи аусзуҩ, Евразиеи Африкеи рыжәларқәа рассамблеиа амаӡаныҟәгаҩ хада иабжьгаҩ Никита Анисимов; Краснодартәи атәылаҿацә Ааажәларратә палата ахантәаҩы Лиубов Попова; икоммерциатәым ахырхарҭеи, агәыҳалалреи, аҿар раԥшьгарақәеи, аспорт и рзы Краснодартәи атәылаҿацә Ауаажәларратә палата акомиссиа ахантәаҩы Сергеи Петухов, иара убас Краснодартәи атәылаҿацә Ауаажәларратә палата аппарат адиректор Мариа Шкрабина.