«14 шықәса 70 нызқьҩык Урыстәылатәи аррамаҵзуҩцәа, аҳақьымцәа, аспециалистцәа Аԥсны имариамыз абжьаҟазаратә усура иаҵагылан. Урҭ иаадырԥшит ахаҵара, азанааҭдырра, иалдыршон аҭыԥантәи ауааԥсыра ршәарҭадара, рыхьчара, – иазгәеиҭеит Аҳәынҭқарра Ахада.
Иахьа Аԥсни Урыстәылеи рыбжьара стратегиала аицхыраара, традициала аиҩызара аӷәӷәахара иаҿуп, ареспублика Урыстәыла уаҩы дзықәгәыӷуа адгылаҩ акәны ишыҟац иҟоуп, раԥхьатәи амшқәа инадыркны иҷыдоу арратә операциа амҩаԥгараҿы иадгылоит, иациҵеит Ахада.
