Апроект нагӡоуп Урыстәылатәи Афедерациа акультуратә аԥшьгарақәа рзы Ахада ифонди Нижегородтәи аобласт агубернатор Глеб Никитини рыцхыраарала. Азалқәа реиқәыршәареи апроект атехникатә нагӡареи мҩаԥгоуп Нижни Новгород ақалақь ахадара ақалақьтә мазареи адгьылтә ресурсқәеи рнапхгараҭаразы аилак ахантәаҩы Светлана Помпаева хаҭала далархәны.
Атематикатә ҵакырақәа ԥшьба иаҳдырбоит Аԥсны ахьыԥшымразы ақәԥареи, Аԥсны Аџьынџьтәылатә еибашьра афырхацәеи, Аџьынџьтәылатә еибашьра ду аҟны ҳажәларқәа рзеиԥш фырхаҵареи ртәы. Хазы игоу азал иҷыдоу арратә операциа иазкуп.
«Ҳаргәырӷьеит итрадициатәу амузеитә експозициақәа ҳаамҭазтәи атехнологиақәа иахьрыдҳәалоу. Авидеостенқәа, аиммерсивтә екскурсиақәа, аинтерактивтә еибашьратә хсаалақәа - ари аҿар рзы аинтерес зҵоу форматқәоуп. Агәра ганы сыҟоуп «Афырхаҵа имҩа» еиԥш иҟоу апроектқәа ԥхьаҟагьы Урыстәылеи Аԥсни реимадарақәа шдырӷәӷәало, азеиԥш ҭоурыхтә гәалашәара акәша-мыкәша ҳшеиднакыло», - ҳәа азгәеиҭеит ацҳаражәҳәаҩ.
