Маи 21 азы, Кавказтәи аибашьра иалаӡыз ргәалашәара Амш аҽны, Ҭырқәтәыла иаартын абаҟа. Уи рхы аладырхәит Аԥснытәи аделегациагьы – Жәлар Реизара адепутатцәа, арепатриациазы Аԥсны Аҳәынҭеилакы ахантәаҩы.

Ажәлар рҟәыҕара, рыхшыҩҵарра, зегь рылымкаа, ажәаҧҟақәа ирныҧшуеит. Ишаадыруа, ажәаҧҟа ҳәа иашьҭоуп еилацалоу, исахьарку ахшыҩҵак змоу ажәаҟәыш (ажәеиқәыршәа).

Маи 13 азы Краснодартәи атәыла­ҿацә Павловсктәи аҽырҩырҭаҿы иаартын 2023 шықәсазтәи аҽырыҩра асезон. Уи инақәыршәаны имҩаԥысит аиԥхныҩларақәа жәба. Руак азкын 1992-1993 шықәсқәа рзы Аԥсны жәлар Рџьынџьтәылатә еибашьра аан иҭахаз ргәалашәара. Аиԥхныҩларақәа ирылахәын Адгәыр Ԥача­лиеи Ахра Ашәбеи рҽқәа, иаанацҳауеит Аԥсны Аҳәынҭкомспорт.