Иахьа 75 шықәса зхыҵуа Борис Қаџьиа ииубилеи идныҳәалауа, аредакциа ахьӡала агәабзиара ацны ақәра ду изеиӷьаҳшьоит. Шәышықәсабжа инарыцны иџьабаа зду агазеҭ «Аԥсны» зуасхыру амилаҭтә журналистика аҟны еиԥш, асахьаркыратә литератураҿгьы аҩымҭа ҿыцқәа раԥҵараҿи агәамч имазааит, Ҳазшаз илаԥш ха ихызааит!
***
Аҧсны ажурналистцәа Реидгыла 75 шықәса ихыҵра идырныҳәалоит ареспублика зҽаҧсазтәыз ажурналист Борис Қаџьаиа.
Борис Кәаҷаҷа-иҧа Аҟәатәи арҵаҩратә институт даналга инаркны инеиҧынкыланы 50 шықәса аус иуеит агазеҭ «Аҧсны ҟаҧшь» аредақциаҿы.
Ееиуеиҧшым ашықәса рзы уи аус иуан еиҭагаҩыс, ааглыхреи, атранспорти, ахәаахәҭреи рыҟәша корреспондентс, административтә усҳәарҭақәеи аиҭагареи рыҟәша аиҳабыс, акраамҭа агазеҭ акультура аҟәша наҧхгара азиуан.
Аҧсны жәлар Рџьынџьтәылатә еибашьра аамҭа аан агазеҭ «Аҧсны» арратә корреспондентс дыҟан.
2012 шықәса инаркны иахьа уажәраанӡа аус иуеит агазеҭ «Аҧсны» аредактор хада ихаҭыҧуаҩыс.
Аҧсуа милаҭтә кьыҧхь арҿиараҿы ажурналист, аредактор, аиҭагаҩ Борис Қаџьаиа илагамҭа дууп, иџьабаагьы рацәоуп. Уи икалам иҵиххьеит, анаҩс агазеҭ адаҟьақәа рҟны икьыҧхьын хыҧхаӡара рацәала апублицистикатә статиақәеи, атематикатә қьыҧхьымҭақәеи, аочеркқәеи, асатиратә ҩымҭакәеи.
Аҧсуа газеҭ аҟны акыршқәсатәи лҵшәабзиалатәи иусуразы Борис Қаџьаиа ихҵан Аҧсны зҽаҧсазтәыз ажурналист ҳәа ахьӡ, ианашьан аорден «Ахьӡ-Аҧша» ахҧатәи аҩаӡара.
Борис Кәаҷаҷа-иҧа данқәыпшыз инаркны ашәҟәыҩра инапы алаикит. Уи дравторуп апрозатә рҿиамҭақәа - ажәабжьқәеи аповестқәеи еидызкыло ашәҟәқәа: «Атама ашәҭәқәа» (1978ш), «Амҩан ахәцрақәа» (1980ш), «Аҧсҭҳәа шкәакәа»(1986ш), «Даҽа мҩак ала» (1988ш), «Ашьыбжьышьҭахь»(2007ш) уҳәа егьырҭгьы.
Аҧсны ажурналистцәа Реидгыла Борис Кәаҷаҷа-иҧа Қаџьаиа изеиӷьаршьоит агәабзиара ӷәӷәа, арҿиартә гәахәтәыхьӡара, аманшәалара, ақәранҵыра рацәа!
Руслан Ҳашыг,
Аҧсны ажурналистцәа
Реидгыла ахантәаҩы
15.10.2026 ш.
