Аусмҩаԥгатә аԥсуа-адыга фестиваль «Риҵа арифмақәа» аҳәаа иҭагӡаны имҩаԥысит. Ашәҟәыҩҩцәеи, актиорцәеи, акультура аусзуҩцәеи еизеит зхатәы бызшәа аиқәырхара зыԥсҭазаара азызкыз ажәа азҟазацәа дуқәа ҩыџьа ргәаладыршәарц.
«Сынтәа азҵаарақәа ҳазцәырымҵит апрограмма Владимир Занҭариеи Анатоли Лагәлааи ишырзаҳкуаз еилкаан. Урҭ ҳара ҳзы баша авторцәамызт, еишьцәа еиҳабацәан», — ҳәа азгәалҭеит афестиваль адиректор Лиубов Сосналиева.
Ашәҟәыҩҩцәа ражәеинраалақәа аԥсышәалеи, аҭырқәшәалеи, адыга бызшәалеи игеит.
Актиорцәа Сырбеи Сангәлиеи Ҭеимураз Чамагәуеи ирыԥхьеит Занҭариеи Лагәлааи рыԥсы анҭаз дара-дара еимырдоз ажәеинраалақәа.
Ргәалашәарақәеи ражәеинраалақәеи ҳацеиҩыршеит Гәында Сақаниеи ачерқьес поет Артур Кенчешави.
Аԥсуаҭҵааратә институт аҭҵаарадырратә усзуҩ нага Дыжын Чуреи афлеитаҿы амузыкатә рҿиамҭақәа налыгӡеит.
Апрограмма ахыркәшамҭаз ражәеинраалақәа ирыԥхьеит авторцәа ҿарацәа.
