Аԥсны атәылахьчара аминистрраҿы иалацәажәеит арратә зыҟаҵара аҩаӡара ашьҭыхра азҵаара
Цәыббра 25, 2025
39
Иласу-атактикатә зыҟаҵарақәа рынагӡареи рымҩаԥгареи ирыдҳәалоу арҵара-методикатә ҽазыҟаҵарақәа ирызку аилатәара анхыркәшаха, Аԥсны Арбџьармчқәа ркомандаҟаҵаҩ Бадра Гәынба аизара мҩаԥигеит.
Аилатәара иалахәын: атәылахьчара аминистр Владимир Ануа уи ихаҭыԥуаҩцәа, Аԥсны Арбџьармчқәа рыштаб Хада аиҳабы Владимир Савченко. Иара убас, аизара далахәын Аҳәынҭқарра Ахада Иусбарҭа анапхгаҩы Беслан Ешба.
Уаҟа ирылацәажәан имҩаԥысраны иҟоу иласу-атактикатә зыҟаҵарақәа рымҩаԥгара иазку аиҿкааратә зҵаарақәа. Аҳәынҭқарра Ахада аусмҩаԥгатәқәа реиҿкаареи рымҩаԥгареи аҭакԥхықәра ду шацу азгәеиҭеит.
Хазы ахшыҩзышьҭра аҭан Аԥсны Арбџьармчқәа рҭагылазаашьа, урҭ разыҟаҵара аҩаӡара, рматериалтә-техникатә еиқәыршәара азҵаарақәа.
Аилацәажәара аихшьалақәа ҟаҵо, Арбџьармчқәа ркомандаҟаҵаҩ атәылахьчара Аминистрра адҵақәа аиҭеит, урҭ рыдҳәалоуп: арратә зыҟаҵара аҩаӡара ашьҭыхра, арбџьармчқәа рырратә напхгараҭара асистема аиӷьтәра, аруаа иахәҭоу зегьы рыла реиқәыршәара.
View the embedded image gallery online at:
https://gazeta-apsny.info/h-is/s-i/item/2493-sni-il-hic-r-inis-rr-i-i-l-c-z-i-rr-zi-r-r-shi-ihr-z-r?print=1&tmpl=component#sigProIdd3b49ab35d
https://gazeta-apsny.info/h-is/s-i/item/2493-sni-il-hic-r-inis-rr-i-i-l-c-z-i-rr-zi-r-r-shi-ihr-z-r?print=1&tmpl=component#sigProIdd3b49ab35d