«Ҳара аколлеџь азы Аԥсны аиҳабыра иҟарҵаз ажәалагала ҳадаҳкылеит, ахыбра шьаҭанкыла еиҭашьақәҳаргылоит. Апроект хиоуп. Ҳгәы иҭоуп ҩ-шықәса рыҩнуҵҟа ахыбра ҿыц аргылара», - иҳәеит Алеқсандр Беглов.
Апроект иаларҵеит ихараны инхо астудентцәа рзы азеиԥшнхарҭа.
Агубернатор иара убасгьы ажәалагала ҟаиҵеит ҩ-ганктәи арҵаратә еиҭныԥсахлара аусура иаладыргарц: «Ҳара иаҳҭахын шәыстудентцәа апрактикахь иаҳзааларц. Ҳара ҳазыхиоуп ҳҟазацәа рынашьҭра, аҵара ддырҵарц азы».
